Në një komunikim me qytetarët në rrjetet sociale dhe gazetaret, kryeministri Edi Rama preku shumë çështje të ngritura nga shqiptarët duke filluar nga rritja e çmimeve të energjisë, inceneratorët, financimi rus i Partisë Demokratike, indeksimi i pensionistëve të shtunën.
Vlen të përmendet se Rama nuk pranoi asnjë faj të tij dhe qeveria e tij hodhi poshtë çdo kritikë, ndërsa sulmoi kryetarin e Partisë Demokratike (PD), Sali Berisha duke e cilësuar atë si politikanin më të keq në historinë e Shqipërisë. Ai tha gjithashtu se së shpejti do të dalin detaje të reja në lidhje me dosjen Sigurimi (sigurimi i shtetit komunist) të shtetasit I. M. që nënkupton kryetarin e Partisë së Lirisë, Ilir Meta.
“Janë mbi 1 090 000 familje që konsumojnë deri në 800 kWh dhe mbi 40 000 familje që konsumojnë mbi 800 dhe në periudhën e pikut kjo 40 000 shkon deri në 60 000”, tha Rama në lidhje me skemën e rritjes së çmimit të energjisë nga tetori.
“800 kw plus është vendosur me një qëllim, duke pasur parasysh që deri në 800 mund të plotësohen të gjitha nevojat bazë. Ne kemi vendosur dy gjëra që koha do t’i tregojë nëse janë guxim apo ambicie të mëdha që do të na kushtojnë shtrenjtë. Ne kemi zgjedhur të mbrojmë familjet dhe bizneset e vogla dhe të mos kufizojmë energjinë elektrike”, tha Rama.
“Ky çmim nuk është i përjetshëm, është nga 1 tetori deri në dhjetor dhe në bazë të situatës energjetike të vendit do të shqyrtojmë nëse do ta mbajmë apo do ta zhvendosim”, tha kryeministri.
Gjatë bisedës online me gazetarë dhe qytetarë, Rama konfirmoi se ish-drejtorit të Përgjithshëm të Policisë së Shtetit, Gledis Nano, i është kërkuar dorëheqja pak javë më parë.
“Drejtori i mëparshëm, Gledis Nano, i është kërkuar dorëheqja. Ai më ka konfirmuar se do të jepte dorëheqjen të hënën pasi biseda e zhvilluar të shtunën nga ministri. Ne ishim shumë të shqetësuar për zhvillimet e pakëndshme në lidhje me rendin publik dhe vetë policinë e shtetit. Ai më ka konfirmuar se do të jepte dorëheqjen të hënën pasi biseda u zhvillua të shtunën në ministri”, tha Rama.
Gledis Nano ka thënë se nuk e kishte pranuar asnjëherë dorëheqjen e tij dhe ndryshe nga drejtuesit e tjerë të lartë të policisë që dhanë dorëheqjen dhe u caktuan në detyra të tjera më të ulëta, nuk dihet se çfarë ka ndodhur me të.
Financimet ruse në PD janë fakt
Kryeministri Edi Rama u ka thënë sot mediave se financimet ruse në PD janë fakte dhe se është shumë e thjeshtë të investigohet për to.‘A se mbani mend që u shkoi ambasadori i SHBA-ve me dosjen në dorë dhe e sulmuan nga të 4tërta anët. Dhe s’janë bërë nga person. Dhe të jeni të sigurt që do dëgjoni akoma gjëra të tjera.
Po s’kam ç’ti them unë sekretarit të shtetit? Që prokuroria shqiptare nuk ka bërë asgjë, financimi rus është fakt.
Ju keni dëgjuar me gojën hapur shpjegime për diasporën shqiptare që do shpëtonin vatanin dhe mblodhën lekët dhe i lanë pa emra. E kam shumë të qartë se çfarë ka mbajtur media e atij zotërisë më pëprara se kishte hallet e mos i iknin të rinjtë. Kshuqë, financimet ruse aty i keni, merrini investigimin gjejini ata shqiptarët që u mblodhën për të shpëtuar vatanin në Amerike dhe janë kthyer me 500 mijë dollarë në valixhe, gjejini.’- tha Rama.
Nderkohe Kryeministri Edi Rama ka pranuar se ka mik ish-agjentin e FBI-së Charles McGonigal, i cili po përballet me drejtësinë në SHBA për hetimet për lidhje me rusët. I pyetur nga qytetarët gjatë një komunikimi online, kreu i qeverisë tha se çështja me drejtësinë është një çështje që i përket atij në SHBA, ndërsa bëri thirrje që të pritet vendimi i drejtësisë në lidhje me hetimet.
‘Nuk ka asnjë faj, cilët rus të mitë? Shefi kundër terrorit i FBI-së ka qenë dhe është miku im. Nëse ai ka një çështje të tijën me drejtësinë në SHBA është çështja e tij. Lëreni të flasë drejtësia në SHBA, nuk bëhet drejtësia kështu. Pres shumë më tepër se kaq, i pres të gjitha. Është e tmerrshme për këtë popull për gjithë ato që ne i konsiderojmë vlera shqiptare është e tmerrshme. Nuk kam ca të them më shumë se kaq, bëhet fjalë për një çështje që nuk ka asnjë lidhje me qeverinë shqiptarë. Nuk ka asnjë biznes të çfarëdollojshëm.’- u shpreh Rama.
Ish-agjenti i nivelit të lartë të FBI-së, Charles McGonigal, i cili ishte i përfshirë në hetimin për kontaktet e fushatës së Trump me Rusinë gjatë zgjedhjeve të vitit 2016, është vënë vetë nën vëzhgimin e prokurorëve federalë për lidhjet e tij me Rusinë dhe qeveritë e tjera të huaja.
Një dokumenti i siguruar nga Insider–i zbuloi se hetuesit po shqyrtonin marrëdhëniet e biznesit të McGonigal me një ndihmës të lartë të Oleg Deripaska, oligarku miliarder rus i cili ishte në qendër të akuzave për bashkëpunimin e Rusisë me fushatën e Trump për ndërhyjnë në zgjedhjet e 2016-ës.
/Argumentum.al
