Mali i Zi është përfshirë nga disa protesta masive kundër kryeministrit në detyrë Dritan Abazoviç.
Qindra qytetarë dhe mbështetës të opozitës dolën në Podgoricë për të kërkuar zgjedhje të parakohshme parlamentare dhe ndëshkimin e tradhtarëve, duke iu referuar kështu kryeministrit aktual, Dritan Abazoviç, për ujdinë me kishën ortodokse serbe. Akuzat ndaj tij ishin se është kthyer në një shërbëtor të Serbisë dhe presidentit të saj.
“As Milosheviçi në vitet ’90 nuk ia doli dhe as Vuçiç tani. Mali i Zi nuk është dorëzuar kurrë. Nuk do të ketë Ballkan të Hapur, nuk do të ketë botë serbe. Dritan Abazoviç, ju që jeni ndihmësi i Vuçiçit, mund të trumbetoni vetëm Ballkanin e Hapur në Beograd, para Vuçiçit, Vulinit, Rakoviçit dhe Beçkoviçit. Duart larg nga Mali i Zi. Ne jemi këtu për të mbrojtur çdo pëllëmbë të Malit të Zi”, tha deputetja Draginja Vuksanović-Stankoviç.
Akuzat ndaj Abazoviç vijuan, duke pretenduar se ai punon për dikë tjetër dhe jo për të mirën e vendit, për të penguar rrugën drejt anëtarësimit në Bashkimin Europian.
“Ai është fshesa dhe lopata e dikujt tjetër që dëshiron ta shtyjë Malin e Zi në Ballkanin e Hapur, që nuk është gjë tjetër veçse bota serbe”, tha Vido Drashkoviç nga Partia Socialdemokrate.
Ndërsa gazetarja Krsmanoviç, nënvizoi gjatë protestës se njerëzit kanë dalë në protestë për të mbrojtur Kushtetutën, reputacionin e Malit të Zi, institucionet e dëmtuara dhe gjithë vendin.
Aktivisti Vido Drashkoviç tha se “në një mijë vjet të ekzistencës së tij, Mali i Zi nuk ka pasur paqe, ashtu siç nuk ka sot”.
Ai u shpreh se “Ballkani i Hapur” nuk është asgjë më shumë se sa një botë serbe për të bllokuar Malin e Zi në rrugën drejt integrimit. Teksa iu refrua Dritan Abazoviqit, aktivisti e cilësoi si ‘fshesë’ dhe ‘lopatë’ të atyre që kërkojnë destabilizimin e Malit të Zi.
“Qeveria klaro-nacionaliste pretendon se na ka liruar. Është e vërtetë, na ka çliruar nga të gjitha të mirat. Qëllimi i tyre është ta portretizojnë Malin e Zi si të paqëndrueshëm. Ata që janë fshesa dhe lopata e dikujt tjetër do ta shtyjnë Malin e Zi në Ballkanin e Hapur që nuk është gjë tjetër veçse bota serbe, për të ndalur Malin e Zi në rrugën e tij drejt BE-së për të mirën e shefit të tij nga vargmali i Andriqit. Në këtë, një njeri i vogël dhe një manipulator i madh po prijnë.
Me nënshkrimin e kontratës me KOS, ai e dinte se do të destabilizonte Malin e Zi, që ishte qëllimi i tij. Para nesh janë dy rrugë – Ballkani i Hapur dhe BE. Qytetarët po vijnë në vete. Nëse nuk mendojmë, do të hasim telashe përpara e dyerve tona”, tha Drashkoviç.
Kjo është protesta e tretë e organizuar gjatë këtij muaji në Mal të Zi për shkak të krizës politike pas rrëzimit të qeverisë së Abazoviç në gusht të këtij viti.
/Argumentum.al
