Emiratet e Bashkuara Arabe ose ndonjë palë tjetër nuk kanë të drejtë të flasin në emër të popullit palestinez
Ky hap minon Nismën Arabe për Paqen, minon Rezolutat e Samiteve Arabe dhe Islamike, Legjitimitetin ndërkombëtar. Ky hap konsiderohet aggression kundër popullit palestinez.
Thirrje për zhvillimin e një seance urgjente të Ligës Arabe dhe Organizatës për Bashkëpunimin Islamik për të hedhur poshtë këtë deklaratë.
Deklaratë e Udhëheqjes Palestineze!
RAMALLAH, 13.08.2020 -Wafa – Udhëheqja palestineze deklaroi refuzimin dhe dënimin e saj të fortë të deklaratës befasuese trepalëshe amerikane, izraelite dhe të Emirateve të Bashkuara Arabe për normalizimin e plotë të marrëdhënieve midis shtetit pushtues izraelit dhe Emirateve të Bashkuara Arabe, në këmbim të pretendimit të një pezullimi të përkohshëm të planit për aneksimin e tokave palestineze dhe shtrirjen e sovranitetit të Izraelit mbi to, në vazhdën e insistimit të shtetit pushtes mbi vazhdimin e pushtimit dhe aneksimit të pjesëve të tokave palestineze, veçanërisht qytetit të Jeruzalemit, dhe shkeljes së shenjtërisë së kulteve fetare, veçanërisht të Xhamisë së Bekuar Al-Aksa.
Udhëheqja Palestineze e konsideron këtë hap si hedhje në erë të Nismës Arabe për Paqe, të Rezolutave të Samiteve Arabe dhe Islamike, si dhe të Legjitimitetit Ndërkombëtar, madje e konsideron si një agression ndaj popullit palestinez dhe shkelje të të të drejtave palestineze dhe kulteve të shenjta, veçanërisht Jeruzalemit dhe Shtetit të Pavarur Palestinez në kufijtë e 4 qershorit 1967.
Udhëheqja Palestineze refuzon atë që Emiratet e Bashkuara Arabe kanë bërë, duke e konsideruar këtë veprim si një tradhëti ndaj Jeruzalemit, Al-Aksës dhe kauzës palestineze, duke njohur Jeruzalemin si kryeqytet të Izraelit, dhe i kërkon asaj që të tërhiqet menjëherë nga kjo deklaratë e turpshme.
Gjithashtu, Udhëheqja Palestineze, refuzon kushtëzimin e pezullimit e paligjshëm të aneksimit, me normalizimin e marrëdhëniev me Emiratet duke përdorur kauzën palestineze si një mbulesë për këtë qëllim.
Udhëheqja palestinze, kërkon nga vëllezërit e tjerë, të mos i përkulen presioneve amerikane dhe të mos ndjekin hapat e Emirateve të Bashkuara Arabe, duke kryer veprimin e normalizimit falas të marrëdhënieve me shtetin pushtues të izraelit në kurriz të të drejtave palestineze.
Udhëheqja Palestineze thekson se as Emiratet e Bashkuara Arabe, dhe as një palë tjetër, nuk kanë të drejtë të flasin në emër të popullit palestinez, dhe nuk lejon askënd të ndërhyjë në punët palestineze ose të raportojë në emër të tyre për të drejtat e tyre të ligjshme në atdheun e tyre.
Udhëheqja Palestineze konfirmon gjithashtu se, Organizata për Çlirimin e Palestinës është përfaqësuesi i vetëm dhe legjitim i popullit palestinez, dhe se populli palestinez kudo që ndodhet qëndron sot i bashkuar prapa udhëheqjes së tij të ligjshme, të kryesuar nga Presidenti Mahmoud Abbas përballë kësaj deklarate brutale trepalëshe.
Për t’i bërë ballë këtyre zhvillimeve të rrezikshme, Udhëheqja Palestineze bën thirrje për një seancë të menjëhershme dhe urgjente të Ligës Arabe, Organizatës për Bashkëpunimin Islamik, me qëllim hedhejn poshtë të kësaj deklarate.
Udhëheqja Palestineze gjithashtu i bën thirrje Bashkësisë Ndërkombëtare që t’i përmbahet ligjit ndërkombëtar dhe rezolutave të legjitimitetit ndërkombëtar që përbëjnë bazën për zgjidhjen e konfliktit Palestinezo-Izraelit, dhe se paqja mund të arrihet vetëm përmes dhënies fund pushtimit të territoreve palestineze nga pushtuesit izraelitë.
© Argumentum