Në një takim me kryeministrin dhe ministrin e Jashtëm të Vatikanit, ministri i Jashtëm i Iranit deklaroi se ne jemi seriozë për një marrëveshje të mirë dhe të qëndrueshme.
Gjatë negociatave kemi paraqitur iniciativa të rëndësishme dhe fleksibilitet, por është e nevojshme që Amerika të përgatisë realisht kushtet për finalizimin e marrëveshjes. Sipas agjencisë së lajmeve Fars, Husein Amir Abdullahian, Ministër i Punëve të Jashtme të Republikës Islamike të Iranit, diskutoi dhe shkëmbeu mendime me kardinalin Pietro Parolin, kryeministër i Vatikanit, si dhe kryepeshkopin Paul Gallagher, ministër i Jashtëm i Vatikanit. Ministrat e Jashtëm të Republikës Islamike të Iranit dhe të Vatikanit, gjatë shkëmbimit të mendimeve folën mbi mënyrat për forcimin e paqes dhe stabilitetit global dhe rajonal dhe theksuan nevojën për zgjidhje politike të krizave.
Në këtë takim, ministri i Jashtëm i Iranit shpjegoi statusin e fundit të negociatave për heqjen e sanksioneve dhe tha se Republika Islamike e Iranit është serioze për një marrëveshje të mirë dhe të qëndrueshme. Ai shtoi: Ne kemi paraqitur iniciativa të rëndësishme dhe fleksibilitet gjatë negociatave, por është e nevojshme që pala amerikane të përgatisë realisht kushtet për finalizimin e marrëveshjes.
Ministri i Jashtëm i vendit tonë theksoi: Në përputhje me përgjegjësinë e saj globale në trajtimin e terrorizmit, Republika Islamike e Iranit me përpjekjet e gjeneralit martir Kasem Sulejmani ka luajtur një rol të rëndësishëm në mbrojtjen e të krishterëve Izadi të Irakut dhe të krishterëve të Sirisë kundër terroristëve kriminelë të ISIS-it, çështje kjo që është me interes për Vatikanin. Amir Abdullahian gjithashtu tha: Aq sa Republika Islamike e Iranit kundërshton luftën në Ukrainë dhe mbështet një zgjidhje politike për t’i dhënë fund asaj, ajo gjithashtu kundërshton luftën në rajone të tjera të botës. Amir Abdullahian shpjegoi qasjen e Republikës Islamike të Iranit ndaj zgjidhjes politike të krizave të Jemenit, Ukrainës dhe Afganistanit. Ministri i Jashtëm i Iranit gjithashtu ftoi ministrin e Jashtëm të Vatikanit të vizitojë Teheranin./parstoday
Argumentum.al
