Këshilltari i Shtetit dhe Ministri i Jashtëm kinez, Wang Yi, kritikoi të enjten të ashtuquajturën deklaratë të ministrave të jashtëm të G7 dhe përfaqësuesit të lartë të BE-së për rajonin e Tajvanit të Kinës pas vizitës së kryetares së Dhomës së Përfaqësuesve të SHBA Nancy Pelosi në ishull, duke thënë se ajo “e quan të bardhën të zezë”.
Wang i bëri komentet teksa mori pjesë në Takimin e Ministrave të Jashtëm Kinë-ASEAN në Phnom Penh, Kamboxhia,raporton media kineze CTGN.
Deklarata e përbashkët e lëshuar të mërkurën, pretendonte se “përgjigjja përshkallëzuese” e Kinës ndaj vizitës së Pelosit rrezikon të rrisë tensionet përgjatë ngushticës së Tajvanit, ndërsa i bëri thirrje Kinës që “të mos ndryshojë në mënyrë të njëanshme status quo-në me forcë” në rajon.
Ministri i Jashtëm kinez hodhi poshtë akuzat e pabaza të G7 kundër nismave të arsyeshme dhe legjitime të Kinës për të mbrojtur sovranitetin dhe integritetin e saj territorial.
“Deklarata e ministrave të jashtëm të G7 e quan të bardhën të zezë, ngatërron të drejtën me të gabuarën dhe bën akuza të pabaza kundër masave të arsyeshme dhe të ligjshme të Kinës për të mbrojtur sovranitetin dhe integritetin territorial. Si i kanë ata të drejta të tilla? Kush ua jep këtë të drejtë?” tha Wang.
Ai vuri në dukje se janë SHBA-të që nxisin telashe, provokojnë krizën dhe vazhdojnë të përshkallëzojnë tensionet, duke shtuar se provokimi flagrant i SHBA-së ka krijuar një precedent të keq.
“Nëse nuk ka korrigjim dhe nuk ka kundërmasa, a do të ekzistojë ende parimi i mosndërhyrjes në punët e brendshme? A duhet të respektohet e drejta ndërkombëtare? Si duhet të garantohet paqja rajonale?” Pyeti Wang.
Ai gjithashtu i bëri thirrje komunitetit ndërkombëtar që të kundërshtojë çdo lëvizje që sfidon parimin e një Kine dhe të bashkohet për të ruajtur paqen dhe stabilitetin në rajon.
/Argumentum.al