Në prag të pjesëmarrjes së presidentit të Kinës Xi Jinping në samitin e Organizatës së Bashkëpunimit të Shangait (OBSh) 2026 dhe të vizitës së tij shtetërore në Kirgizistan, Grupi Mediatik i Kinës (CMG) nisi transmetimin e programeve filmike e televizive me cilësi të lartë në kryeqytetin e Kirgizistanit Bishkek.
Afro dhjetë programe të CMG-së, si “Letra nga Xi Jinping-u”, “Kronika e zejeve kineze”, “Restoranti i Shegës së Kuqe” etj., do të transmetohen në mediat kryesore të Kirgizistanit, si Korporata Kombëtare e Radiotelevizionit e Kirgizistanit etj.
Në “Letra nga Xi Jinping-u” janë përzgjedhur letrat e përgjigjes të presidentit Xi ndaj sinologëve, artistëve e të rinjve të huaj, duke rrëfyer historitë e nxitjes prej tij të miqësisë popullore dhe të lidhjes midis zemrave të popujve. Programi pasqyron imazhin e Kinës si një vend i madh i përgjegjshëm e përfshirës, që synon bashkëpunimin me përfitime të përbashkëta.
foto nga CMG
Duke iu referuar fjalëve të presidentit Xi, që “Kina e Kirgizistani duhet të ruajnë traditën, duke kërkuar novacionin dhe zhvillimin, që të thellojnë më tej bashkëpunimin pragmatik”, në videofjalimin e tij në ceremoninë e nisjes të këtij aktiviteti, Shen Haixiong, drejtori i përgjithshëm i CMG-së, tha se ky aktivitet i transmetimit të programeve cilësore të CMG-së në mediat kirgizistanase është një masë konkrete për vënien në jetë në mënyrë të gjithanshme të konsensusit të arritur midis liderëve të të dy vendeve dhe të rezultateve të samitit të OBSh-së në Tianjin, si edhe për thellimin e shkëmbimeve kulturore kino-kirgizistanase dhe të miqësisë midis dy popujve.
Gjatë këtij aktiviteti, me një sërë prodhimesh filmike e televizive cilësore, shikuesit kirgizistanas do të shijojnë forcën tërheqëse të mendimit të Xi Jinping-ut për nxitjen e miqësisë popullore dhe të lidhjes midis zemrave të popujve, do të njohin kulturën kineze që është në përtëritje e sipër, do të ndiejnë gjallërinë e Kinës në epokën e re dhe do të kuptojnë më mirë kulturën, mençurinë e shpirtin kinez, shtoi Shen.
foto nga CMG
Në fjalimin e mbajtur në ceremoninë e nisjes, drejtori i përgjithshëm i Korporatës Kombëtare të Radiotelevizionit të Kirgizistanit Ulanbek Satiev theksoi që marrëdhëniet kirgizistano-kineze, të bazuara në partneritetin e gjithanshëm strategjik në epokën e re, po çohen në një nivel më të lartë vit pas viti dhe kjo ka hapur perspektivë të gjerë për të dy palët në thellimin e bashkëpunimit mediatik. Satiev theksoi se institucioni që drejton ai i ka kushtuar rëndësi të madhe bashkëpunimit me mediat kineze dhe vitet e fundit të dyja palët kanë ruajtur shkëmbime të ngushta në fusha të ndryshme, gjë që është në ndihmë të të dy popujve në njohjen e peizazheve, kulturës dhe historisë së njëri-tjetrit. Ai shprehu shpresën që të dyja palët do të nxitin më shumë shkëmbimet në sektorin e film-televizionit e do të thellojnë më tej bashkërendimin profesionist në raportimin e lajmeve dhe në krijimin e programeve, që të nxitin më tej njohjen e ndërsjellë midis dy popujve dhe miqësinë brez pas brezi.
foto nga CMG
Pjesëmarrësit në ceremoni shprehën pritshmërinë për programet cilësore që do të transmetohen dhe thanë se ato do të jenë në ndihmë të popullit kirgizistanas për ta njohur Kinën në epokën e re nga shumë këndvështrime, si zhvillimi shoqëror, trashëgimia kulturore, jeta e banorëve, novacioni teknologjik etj.
Ky aktivitet i transmetimit do të zgjatet deri në fund të tetorit./Cgtn
