Partia Demokratike zhvilloi sot një protestë kombëtare në bulevardin “Dëshmorët e Kombit”, para Kryeministrisë.
Protestuesit u grumbulluan nga selia e PD-së dhe marshuan drejt bulevardit “Dëshmorët e Kombit”. Po ashtu, edhe kryetari i Partisë Demokratike, Sali Berisha, i shoqëruar nga drejtues të tjerë të PD-së, iu bashkua protestës duke marshuar nga selia blu drejt bulevardit.
Protesta u organizua pas disa foltoreve të zhvilluara para Kryeministrisë nga Partia Demokratike, pasi sipas opozitës, në Kuvend iu mor çdo hapësirë kushtetuese.
Përballë godinës së qeverisë, në podiumin e ngritur për protestën, eksponentë të PD-së mbajtën fjalime para qytetarëve, ndërsa u luajt edhe himni kombëtar.
Deputeti i Partisë Demokratike, Belind Këlliçi, gjatë fjalës së tij tha se ishin “miliarda euro të grabitura në çdo tender, miliarda euro të zhdukura nga xhepat tanë”.
“Kjo bandë detyroi të ikin nga sytë këmbët plot 1.1 milionë shqiptarë. Ata që kishin frikë, ata që kërkonin të arratiseshin, ata që fshiheshin, ata që nuk dilnin para njerëzve, ishin këta që qeverisnin kriminalisht për më shumë se një dekadë”, tha Këlliçi.
“Shqipëria ishte në një moment shumë të vështirë, por edhe buzë një shprese të re. Kambanat që binin na kujtonin se pushteti nuk ishte i përjetshëm”, shtoi ai.
Në fjalën e tij, kryetari i grupit parlamentar të Partisë Demokratike, Gazment Bardhi, falënderoi demokratët e pranishëm në tubim.
“Forca juaj është kthyer në shpresën e Shqipërisë. Prania juaj në këtë protestë madhështore do të thotë vetëm një gjë: shoqëria shqiptare ka ende guxim dhe dëshiron ndryshim. Në çdo takim me ju demokratë, të stërmunduar kam marrë vetëm një mesazh: ju nuk dorëzoheshit. Sakrifica dhe besimi ishin dy vlerat më të mëdha që na kanë mbajtur gjithmonë në këmbë dhe do të na çonin për t’u përballur me largimin e qeverisë”, tha Bardhi.
Ai shtoi më tej se “kjo protestë nuk ishte vetëm kundër një qeverie të korruptuar, por për dinjitetin tonë të përbashkët. Ne ishim aty, sepse korrupsioni po na merrte frymën, po i merrte frymën Shqipërisë. Kartelet e drogës po na vjedhnin të ardhmen”.
“Ne ishim aty për t’u thënë hajdutëve dhe kriminelëve të Shqipërisë se koha e tyre kishte mbaruar. Këtij pushteti i ishin tundur themelet. Asnjë pushtet nuk bie me lutje e me heshtje, por asnjë pushtet nuk i reziston dot një populli që nuk do të dorëzohet”, tha ai.
Bardhi theksoi se qytetarët do të qëndronin përballë pushtetit deri në largimin e qeverisë:
“Qëndresë sot, rezistencë nesër dhe fitore së shpejti për Shqipërinë”, tha ai.
Ish-kryeministri dhe kryetari i Partisë Demokratike, Sali Berisha gjatë fjalës së tij, deklaroi se vendi ynë ndodhet në një nga periudhat më kritike të historisë së tij, duke theksuar se gjatë dhjetë viteve të fundit, Shqipëria ka përjetuar një rënie dramatike demografike, largim masive të së rinjve dhe një ulje të numrit të lindshmërive, çka sipas tij ka cënuar rëndë të ardhmen e vendit.
Ai e cilësoi qeverisjen aktuale si të kapur nga krimi dhe korrupsioni, duke pretenduar se pushteti është përdorur për të goditur opozitën, për të blerë vota, për të falur gjoba dhe për të kontrolluar administratën shtetërore dhe mediat. Poshtë zyrës së Ramës, Berisha deklaroi se demokratët i treguan pasditen e kësaj të hënë që duke nisur “nga sot nuk është më kryeministër”.
“Uragan i shpresës i besimit i shpëtimit të Shqipërisë dhe shqiptarëve. Ju flas sot në një nga momentet më kritike të komit jo vetëm në 35 vitet e fundit, por ndoshta gatë gjithë historisë së tij mijëravjeçare. Në 10 vitet e fundit të këtij regjimi, shqiptarët janë pakësuar më shumë se nga ccdo epidemi, pushtim, nga çdo zibuke dhe çdo gjë tjetër.
Shqiptarët në 10 vite të këtij regjimi kanë shkuar mbrapa 100 vite për lindshmërinë e tyre. Sot ata kanë humbur mbi gjysmën e rinisë së vet. Kanë humbur të ardhmen dhe çdo vit bëhen dhe gjithnjë dhe më pak në këtë dhe të bekuar. Ne mblidhemi në një moment kritik ndoshta si kurrë më parë sepse Edi Rama pasi shndërroi zgjedhjet në farsë elektorale del se ka vendosur të bëhet multimiliarder me paratë tuaja me pasuritë tuaja publike dhe jo vetëm kaq por ai ka vendosur veten mbi ligjin, mbi kushtetutën. Ka vendosur veten mbi çdo pushtet dhe na thotë nga Sureli apo kjo ndërtesë e krimit se unë ju shumëzoj me zero se unë jam mbi ligjin mbi kushtetutën.
Edi Rama hidhi sytë këtij bulevardi sonte nga sonte ti kurrë nuk do njihesh më në Shqipëri dhe as në botë si kryeministër por si kapobandë, si kapobandë, si kapobandë. Pasi shndërroi zgjedhjet në farsë elektorale duke organizuar me paratë tuaja mijëra veprimtari të palijgshme në periudhë elektorale, duek arrestuar lider të parive kryesore opozitare, duke përdorur tonelata drogë dhe karteleve dhe bandave tëk rimit, duke kthyer nënpunësit e shtetit në policë të votës së lirë, duke falur 2 miliardë gjoba dhe kamata, ai në një revansh të paparë bëri gjithçka që të mbyllë çdo hapësirë opozitës. Ai mendoi se projektin e tij Shqipëria pa opozitë tani do ta realizojë. Miq, rrallë ka ndodhur ndonjëherë,. Vetëm në disa vende të Afrikës që qeveritarët të bëhen multimiliardere dhe miliardere dhe qytetarët të varfërohen nga viti në vit dhe të braktisin vendin e tyre”, tha Berisha.
Teksa më tej theksoi se projekti i një Shqipërie pa opozitë ka dështuar dhe se protesta e sotme dëshmon se kundërshtimi ndaj qeverisë është më i fortë se kurrë. Ai u shpreh i vendosur se opozita dhe qytetarët do të vazhdojnë betejën për të përmbysur atë që e quajti një narkodiktaturë dhe për të rikthyer demokracinë dhe shtetin ligjor në vend.
“Me paratë tuaja Rama ka vendosur ve;lon e zezë të censurës, paguan mediat që glorifikojën të keqen, thurin lavde krimit ë tij, mashtrojnë qytetarët. Me paratë që ju grabit juve ky armik i qënies shqiptare kontrakton lobistë, ish ministra e ish kryeministra, diplomatë dhe ambasadorë, zyrtarë të lartë për deklarata të paguara , për mashtrime , për beteja kundër opozitës. Të gjitha këto, të gjitha këto duke besuar se Shqipëria pa opozitë është projekt që dorealizohet së shpejti, por ja ku jemi sot, më të fuqishëm se kurrë dhe të vendosur se kurë nezksittencën tonë për të përmbysur këtë narkodiktaturë”, tha Berisha ndër të tjera.
/Argumentum.al
