Tensionet Serbi-Kosovë/ Brnabiq: Kurti është ai që i ka sjellë gjërat deri këtu

Serbia nuk bëri asgjë për të filluar këtë krizë në Kosovë e Metohi, tha sonte kryeministrja Ana Brnabiq dhe tha se gjithçka që po shohim është rezultat i lëvizjeve të njëanshme të Albin Kurtit.

“Serbia nuk bëri asgjë për të filluar këtë krizë, serbët në Kosovë dhe Metohi nuk bënë absolutisht asgjë për të shkaktuar atë që po shohim sot, përkundrazi, ky është epilogu i keqtrajtimit të serbëve në Kosovë dhe Metohi dhe mosrespektimi i marrëveshjeve ndërkombëtare. ”, tha Brnabić në një deklaratë për Tanjug.

Kryeministrja tha se presidenti Aleksandar Vuçiq dhe Serbia bëjnë thirrje për paqe, stabilitet, lidhje dhe bashkëpunim dhe Albin Kurti, thekson ajo, është turpi i Ballkanit të sotëm.

“Kurti është një njeri, politika e vetme e të cilit është dhuna e vazhdueshme dhe provokimet e vazhdueshme. Kurti është ai që i ka sjellë gjërat deri këtu – duke ua hequr të drejtën e votës serbëve, duke ndaluar zgjedhjet në territorin e Kosovës, duke mos respektuar marrëveshjen e Brukselit dhe duke pranuar hapur se Prishtina nuk do ta zbatojë kurrë Marrëveshjen e Brukselit, si dhe interpretimin e qëllimshëm të gabuar dhe selektiv të marrëveshjeve të vjetra”, ka thënë Brnabiq.

/Argumentum.al