Presidenti kinez Xi Jinping u bëri thirrje të martën forcave të armatosura të vendit të forcojnë stërvitjen dhe gatishmërinë luftarake.
Xi, gjithashtu sekretar i përgjithshëm i Komitetit Qendror të Partisë Komuniste të Kinës dhe kryetar i Komisionit Qendror Ushtarak, i bëri komentet teksa inspektonte marinën e Komandës së Teatrit Jugor të Ushtrisë Çlirimtare Popullore.
Presidenti Xi Jinping theksoi rëndësinë e zbatimit të strategjive ushtarake të epokës së re, trajnimit dhe përgatitjes për luftë, dhe përshpejtimit të transformimit për të rritur nivelet e modernizimit të forcave të armatosura në të gjitha frontet.
Ai gjithashtu bëri thirrje për mbrojtjen me vendosmëri të sovranitetit territorial të Kinës dhe të drejtat detare, si dhe përpjekjen për të ruajtur stabilitetin në zonën përreth saj, u tha Xi oficerëve dhe ushtarëve të PLA.
Xi gjithashtu kërkoi që të intensifikohet trajnimi ushtarak në kushte luftarake dhe nënvizoi rëndësinë e kërkimit dhe inovacionit ushtarak në zhvillimin e metodave dhe mjeteve të reja të luftës dhe promovimin e përdorimit të armatimeve të reja në luftime.
/Argumentum.al
