Nis sot (5 tetor) Samiti i tretë i Komunitetit Politik Evropian në Granada të Spanjës. Në samit marrin pjesë krerët e 27 vendeve anëtare të BE-së dhe liderët e 20 vendeve fqinje, duke përfshirë Mbretërinë e Bashkuar, Ukrainën, Moldavinë, Turqinë e kështu me radhë. Ky samit po mbahet vetëm katër muaj pas Samitit të Moldavisë në qershor. Presidenti francez Emmanuel Macron propozoi ngritjen e këtij takimi të nivelit të lartë në maj 2022 dhe tani ky mekanizëm konsultimi dhe bashkëpunimi pan-evropian po ecën përpara.
47 liderë janë ftuar në takim, duke përfshirë liderë nga 27 shtetet anëtare të BE-së, Britania e Madhe, Zvicra dhe Ukraina.
Ata do të trajtojnë krizat më emergjente ndërkombëtare si lufta e Rusisë në Ukrainë dhe situata në rajonin e Karabakut të Azerbajxhanit, u tha gazetarëve një zyrtar i lartë i BE-së duke folur në kushte anonimiteti.
Gjithashtu ndër temat që do të diskutohen janë edhe e ardhmja e BE-së, digjitalizimi, tranzicioni i gjelbër i ekonomisë dhe çështjet e energjisë.
Ideja e një Komuniteti Politik Evropian pasqyron të menduarit e Francës për peizazhin politik dhe të sigurisë evropiane, i cili është përmes një mekanizmi që mund të lidhë të gjitha vendet në rajonin pan-evropian për të promovuar bashkërisht unitetin evropian dhe për të kërkuar të kontrollojnë fatin e Evropës. Këto nisma përkojnë me synimin fillestar të krijimit dhe zhvillimit të BE-së. Ato konsiderohen gjithashtu nga BE-ja si një kornizë dialogu dhe shkëmbimi që thellon tërheqjen e vlerave dhe ideve të saj dhe në fund i udhëheq vendet fqinje në rrugën që dëshiron Brukseli. Nga këndvështrimi aktual, Komuniteti Politik Evropian ka marrë një përgjigje të gjerë nga BE-ja dhe vendet përreth saj. Numri i vendeve pjesëmarrëse është rritur nga 44 në Samitin e Pragës në tetor 2022 në 47 tani. Në të njëjtën kohë, mbahen dy samite çdo vit, dhe presidenca e rradhës së BE-së dhe vendet jo-BE marrin me radhë presidencën e konferencës. Mund të thuhet se Komuniteti Politik Evropian ka vazhduar të ndërmarrë hapa solidë nga konceptimi në praktikë.
Ky do të jetë takimi i tretë i Komunitetit Politik Evropian, i cili u iniciua në tetor 2022 në kryeqytetin çek Pragë me qëllim të nxitjes së dialogut midis vendeve evropiane dhe për forcimin e sigurisë, stabilitetit dhe prosperitetit.
Takimi i parë i këtij formati u zhvillua në Pragë më 6 tetor 2022, kurse samiti i dytë u mbajt në Bulboaca të Moldavisë më 1 qershor të këtij viti.
Në margjinat e takimit të fundit, zyrtarët e BE-së kanë përgatitur bisedime pesëpalëshe midis udhëheqësve më të lartë të Azerbajxhanit, Armenisë, Gjermanisë, Francës dhe BE-së për të ndërmjetësuar konfliktin Azerbajxhano-Armen.
Presidenti i Azerbajxhanit Ilham Aliyev vendosi të mërkurën të anulojë pjesëmarrjen e tij në takim pasi organizatorët refuzuan përfshirjen e Türkiyes në bisedime, ndërsa zyrtarët e nivelit të lartë francez bënë komente të njëanshme në mbështetje të Armenisë, sipas raporteve të mediave azerbajxhane.
Në të njëjtën kohë, Aliyev tha se është i hapur për vazhdimin e bisedimeve brenda formatit Armeni-Azerbajxhan-BE.
Të premten, 27 krerët e shteteve dhe qeverive të BE-së do të mblidhen për të vlerësuar sfidat aktuale, përfshirë migrimin, dhe për të përgatitur agjendën strategjike pesëvjeçare të bllokut.
“Granada, është koha që të shohim prapa dhe të vlerësojmë në mënyrë kritike progresin në forcimin e sovranitetit tonë evropian, duke identifikuar arritjet tona si dhe fushat që ende kërkojnë veprimin tonë politik”, shkruan në letrën e ftesës së liderëve nga presidenti i Këshillit Evropian Charles Michel.
Diskutimet do të synojnë të rrisin autonominë strategjike të BE-së dhe ta bëjnë atë më të fortë dhe më konkurrues mes sfidave ndërkombëtare, thuhet në letër.
Vend prites i ngjarjes është Spanja, e cila mori presidencën e radhës të Këshillit të Bashkimit Evropian në korrik.
Vendet e Evropës Qendrore dhe Lindore përgjithësisht besojnë se Komuniteti Politik Evropian është një masë vonuese nga vendet e Evropës Perëndimore për të vonuar anëtarësimin e Ukrainës, Moldavisë dhe vendeve të tjera në BE, dhe ata janë shumë të kujdesshëm ndaj promovimit të “evropianizmit” nga Franca duke përdorur të Komunitetit Politik Evropian. Platforma forcon rolin e Francës dhe Gjermanisë si fuqi të mëdha, ndërsa vendet e Evropës Perëndimore janë të shqetësuara se Komuniteti Politik Evropian do të bëhet një përshpejtues për zgjerimin e BE-së drejt lindjes. Kur BE-ja është tashmë e zhytur në kriza të shumta, do të shfaqen sfida më të mëdha ekonomike dhe politike për shkak të thithjes së anëtarëve të rinj.
/Argumentum.al
