Liderët botërorë urojnë donald Trump si president i SHBA-ve
Kryeministri spanjoll Pedro Sanchez:
“Urime Donald Trump për inaugurimin tuaj si presidenti i 47-të i Shteteve të Bashkuara. Ne mezi presim të punojmë me administratën e re amerikane për të forcuar marrëdhëniet strategjike midis vendeve tona dhe për të adresuar sfidat e përbashkëta globale.”
Kryeministri australian Anthony Albanese:
“Shtetet e Bashkuara janë një mik i madh i Australisë. Aleanca jonë nuk ka qenë kurrë më e fortë. Mezi pres të punoj me ju për mundësitë dhe sfidat përpara.”
Kryeministri kanadez Justin Trudeau:
“Urime, President Trump. Kanadaja dhe SHBA-ja kanë partneritetin ekonomik më të suksesshëm në botë. Ne kemi mundësinë të punojmë përsëri së bashku – për të krijuar më shumë vende pune dhe prosperitet për të dy kombet tona.”
Kancelari gjerman Olaf Scholz:
“Sot Presidenti Donald Trump merr detyrën. Urime! SHBA është aleati ynë më i ngushtë dhe qëllimi i politikës sonë është gjithmonë një marrëdhënie e mirë transatlantike. BE, me 27 anëtarë dhe më shumë se 400 milionë njerëz, është një bashkim i fortë”.
Kryeministri i Pakistanit Shehbaz Sharif:
“Gjatë viteve, dy vendet tona të mëdha kanë punuar së bashku ngushtë për të ndjekur paqen dhe prosperitetin në rajon dhe më gjerë për popujt tanë dhe ne do të vazhdojmë ta bëjmë këtë në të ardhmen. Urimet e mia më të mira për Presidentin Trump për një mandat të dytë të suksesshëm në detyrë .”
Kryeministri indian Narendra Modi:
“Unë pres që të punojmë ngushtë së bashku edhe një herë, për të përfituar të dy vendet tona dhe për të formuar një të ardhme më të mirë për botën. Urimet më të mira për një mandat të suksesshëm përpara!”
Presidentja e Komisionit Evropian Ursula von der Leyen:
“BE pret të punojë ngushtë me ju për të trajtuar sfidat globale.”
“Së bashku, shoqëritë tona mund të arrijnë prosperitet më të madh dhe të forcojnë sigurinë e tyre të përbashkët. Kjo është forca e qëndrueshme e partneritetit transatlantik.”
Volodymyr Zelensky:
Presidenti i Ukrainës, Volodymyr Zelensky, iu bashkua urimeve të shumta të udhëheqësve botërorë për presidentin e ri amerikan, Donald Trump.
“Ky shekull është duke u formësuar tani dhe ne duhet të punojmë të gjithë së bashku, për t’u siguruar që ai do të jetë një shekull i madh dhe i suksesshëm për demokracitë”, shkroi ai në X.
/Argumentum.al
