Nikolla Gjurgjaj, Drejtor i Shoqatës Maqedonase “Ilinden”-Tiranë: “16 Vjet Punë dhe Angazhim për Mbrojtjen e Identitetit Maqedonas në Shqipëri”
Shoqata Maqedonase “Ilinden”-Tiranë ka festuar 16 vjetorin e themelimit të saj, një udhëtim i mbushur me angazhim dhe arritje për mbrojtjen e identitetit të komunitetit maqedonas në Shqipëri. E themeluar më 6 shkurt 2009, kjo shoqatë ka pasur një rol të rëndësishëm në avancimin e të drejtave të Pakicës Kombëtare Maqedonase dhe në ruajtjen e kulturës dhe gjuhës maqedonase.
Në këtë përvjetor, drejtori i Shoqatës, Nikolla Gjurgjaj, ka theksuar angazhimin e palodhur të shoqatës për mbështetje të maqedonasve në zonat e Gollobordës, Prespës, Gorës dhe Vërnikut. “Gjatë këtyre 16 viteve, ne kemi punuar intensivisht për të ruajtur identitetin kulturor dhe historik të komunitetit maqedonas, dhe për të siguruar që gjuhës dhe traditave tona t’u jepet rëndësia që meritojnë,” tha Gjurgjaj gjatë fjalës të tij.
Rëndësi të veçantë shoqata maqedonase “Ilinden”-Tiranë i ka dhënë dhe botimit të gazetës maqedonase “Ilinden”, e cila përveç versionit të shtypur ka edhe botim elektronik. Gazeta maqedonase “Ilinden” u botua në mars të 2011 në Tiranë, është gazetë e shoqatës maqedonase “Ilinden”-Tiranë dhe e vetmja gazetë e maqedonasve në Republikën e Shqipërisë që botohet në version të shtypur dhe në formë elektronike. Gazeta maqedonase “Ilinden” prodhon dhe transmeton informacione në gjuhën maqedonase. Gazeta maqedonase “Ilinden” është e standardizuar me ISSN 2522-6282 sipas normave ndërkombëtare. Gazeta maqedonase “Ilinden” është pjesë e tre agreguesve të lajmeve grid.mk , daily.mk dhe vesti.mk. Gazeta maqedonase “Ilinden” është anëtare e platformës së Aleancës për Media Etike (AEM), ku janë anëtare 29 media të shkruara dhe audiovizive në Republikën e Shqipërisë.
Gjurgjaj gjithashtu ka përmendur se Shoqata Maqedonase “Ilinden”-Tiranë është pjesë aktive e Unionit Federal Europian të Minoriteteve (FUEN) që nga 16 maji 2015, si dhe pjesëmarrëse në Grupin e Punës për Pakicat Sllave. “Ne kemi qenë dhe do të mbetemi një zë i fuqishëm për Pakicën Kombëtare Maqedonase në Shqipëri, duke kontribuar në zgjidhjen e çështjeve të rëndësishme për këtë komunitet në nivel ndërkombëtar,” shtoi ai.
Në këto 16 vjet, Shoqata ka mbajtur takime të shumta me institucione shtetërore, si dhe ka zgjeruar bashkëpunimin me sektorin joqeveritar, brenda dhe jashtë vendit. Sipas Gjurgjajt, edhe pse ka pasur raste kur nuk është arritur një zgjidhje të plotë për disa çështje, shoqata ka vazhduar të punojë për të përmirësuar statusin dhe të drejtat e komunitetit maqedonas.
Në fund, Drejtori i Shoqatës, Nikolla Gjurgjaj, bëri një thirrje për mbështetje të vazhdueshme nga të gjitha partitë politike, institucionet shtetërore dhe sektorët joqeveritarë. “Për nder të 16 vjetorit, kërkoj nga të gjitha palët të ofrojnë mbështetje për zgjidhjen e problemeve që shqetësojnë maqedonasit dhe për të penguar asimilimin e tyre. Kjo është një angazhim i rëndësishëm për të siguruar një të ardhme më të ndritur për komunitetin maqedonas në Shqipëri,” përfundoi ai.
Gjurgjaj gjithashtu shprehu mirënjohjen e tij për mbështetjen që ka marrë Shoqata nga institucionet shtetërore të Shqipërisë dhe Maqedonisë, duke theksuar se marrëdhëniet miqësore mes shqiptarëve dhe maqedonasve janë thelbësore për forcimin e lidhjeve ndërmjet dy popujve dhe dy shteteve. “Maqedonasit në Shqipëri dhe shqiptarët në Maqedoni janë ura e vëllazërisë dhe miqësisë mes dy popujve dhe dy vendeve,” përfundoi Drejtori i Shoqatës, Nikolla Gjurgjaj.
/Argumentum.al
