Me rastin e mbajtjes së takimit të tretë të ministrave të jashtëm midis Kinës dhe vendeve të Ishujve të Paqësorit, CGTN, pjesë e Grupit Mediatik të Kinës, zhvilloi një sondazh telefonik me 1000 të anketuar nga 10 vendet kryesore të Ishujve të Paqësorit. Rezultatet treguan se të anketuarit vlerësojnë pozitivisht konceptin dhe arritjet e modernizimit me stil kinez, duke përgëzuar bashkëpunimin praktik dhe të frytshëm që ka dhënë një shtysë të re për ndërtimin e komunitetit me të ardhme të përbashkët Kinë–Ishujt e Paqësorit.
Qeverisja kineze gëzon miratim të gjerë, tregu kinez pritet me padurim
Si vende në zhvillim, Kina dhe Ishujt e Paqësorit ndajnë ngjashmëri të shumta. Përvoja kineze në modernizim, ofron një pikë referimi të rëndësishme për këto vende. Në vlerësimin e aftësive qeverisëse të Kinës, pesë aspektet të përmendura si më pozitive janë: përmirësimi i infrastrukturës (96.4%), përmirësimi i sigurisë publike (87.4%), krijimi i vendeve të punës (85%), përmirësimi i shëndetit publik (82.9%) dhe rritja e nivelit të të ardhurave (81%). Gjithsej 96.2% e të anketuarve besojnë se Kina është një vend i suksesshëm.
Në dekadat e fundit, Kina ka forcuar vazhdimisht bashkëpunimin ekonomik dhe tregtar me vendet e Ishujve të Paqësorit. Nga viti 1992 deri më 2021, volumi total tregtar me vendet që kanë vendosur marrëdhënie diplomatike u rrit nga 153 milionë dollarë amerikanë në 5.3 miliardë dollarë – një rritje mbi 30-fish. Sipas sondazhit, 93.6% e të anketuarve besojnë se tregu i madh i Kinës, paraqet një mundësi për vendin e tyre; 92.2% mendojnë se vendi i tyre ka përfituar nga bashkëpunimi ekonomik dhe tregtar me Kinën.
Foto nga VCG
Gjithashtu, të anketuarit kanë besim të madh në fuqinë shkencore dhe teknologjike të Kinës: 91.4% e vlerësuan atë si të fortë. Produktet kineze që lanë më shumë përshtypje ishin: makinat elektrike (72.3%), bateritë e litiumit (55.5%), produktet e inteligjencës artificiale si DeepSeek (55.5%) dhe panelet diellore (55.2%) – të gjitha këto janë në përputhje me nevojat e vendeve të Ishujve të Paqësorit, për përballimin e fatkeqësive natyrore dhe ndryshimeve klimatike.
Bashkëpunimi praktik përmirëson mirëqenien e njerëzve, e ardhmja e përbashkët forcon marrëdhëniet
Vitet e fundit, Kina dhe vendet e Ishujve të Paqësorit kanë zhvilluar një bashkëpunim të gjerë praktik në fusha si bujqësia, ndryshimet klimatike, reduktimi i varfërisë, parandalimi i fatkeqësive dhe ndihma emergjente, duke kontribuar ndjeshëm në zhvillimin ekonomik dhe përmirësimin e jetesës në këto vende.
Sipas sondazhit:
93.1% e të anketuarve besojnë se ndihma kineze në teknologjinë bujqësore ka rritur ndjeshëm kapacitetet prodhuese të vendeve të tyre;
80.4% besojnë se bashkëpunimi në reduktimin e dëmeve nga tërmetet, ka përmirësuar aftësinë për t’u përballur me fatkeqësitë natyrore;
Foto nga VCG
78.6% vlerësojnë ndihmën kineze për ndërtimin e sistemit fotovoltaik në Tonga, si një model për transformimin energjetik të vendeve të Ishujve të Paqësorit;
88.9% mbështesin thellimin e bashkëpunimit në fushën e ndryshimeve klimatike;
87.4% mendojnë se përvoja kineze në mbrojtjen e mjedisit është e vlefshme për t’u ndjekur;
82.8% e konsiderojnë bashkëpunimin ekonomik dhe tregtar me Kinën si një mundësi të madhe për zhvillimin e vendeve të tyre.
Ndërtimi i komunitetit të përbashkët Kinë–Ishujt e Paqësorit, ka dhënë rezultate të shumta. Ky bashkëpunim është bërë një model i bashkëpunimit Jug-Jug dhe i përfitimit të ndërsjellë. 94.3% e të anketuarve mendojnë se marrëdhëniet aktuale midis Kinës dhe Ishujve të Paqësorit, janë në një fazë të mirë zhvillimi; 93.7% vlerësojnë se partneriteti strategjik gjithëpërfshirës mes Kinës dhe këtyre vendeve është thelluar vazhdimisht, duke nxitur begatinë rajonale dhe duke përmirësuar mirëqenien e popujve.
Foto nga VCG
Ky sondazh u organizua nga CGTN në bashkëpunim me Universitetin Renmin të Kinës dhe Institutin e Studimeve për Komunikimin Ndërkombëtar. Ai u realizua përmes telefonatave me 1000 të anketuar nga 10 vende të Ishujve të Paqësorit: Papua Guinea e Re, Fixhi, Ishujt Solomon, Vanuatu, Samoa, Kiribati, Tonga, Mikronezia, Ishujt Kuk dhe Nauru. Të gjithë të anketuarit janë qytetarë mbi 18 vjeç. Përzgjedhja u bë në përputhje me shpërndarjen demografike sipas moshës dhe gjinisë në secilin vend./CGTN
