Ministria e Tregtisë mbajti një takim për të diskutuar thellimin e bashkëpunimit në sektorin e gjysmëpërçuesve midis Kinës dhe Europës.
Të pranishmit përfshinin zyrtarë nga departamentet e qeverisë qendrore, përfaqësues nga Shoqata e Industrisë së gjysmëpërçuesve të Kinës dhe Dhoma e Tregtisë e Bashkimit Europian në Kinë, si dhe përfaqësues nga mbi 40 ndërmarrje. Në takim u tha se Kina dhe Europa zënë pozicione kritike në zinxhirin global të furnizimit të gjysmëpërçuesve, shkruan “Xinhua”. Forcimi i bashkëpunimit në këtë fushë përputhet me interesat e përbashkëta të të dyja palëve.
Në sfondin e një peizazhi ndërkombëtar kompleks dhe sfidues të shënuar nga pasiguritë në rritje, Kina do të vazhdojë të avancojë hapjen me standarde të larta dhe të krijojë një mjedis të drejtë, të qëndrueshëm, transparent dhe të parashikueshëm për ndërmarrjet.
Takimi theksoi se Kina kundërshton me vendosmëri praktikat e njëanshme, duke mbrojtur sigurinë dhe stabilitetin e zinxhirit global të furnizimit të gjysmëpërçuesve.
Të pranishmit ranë dakord se komunikimi dhe bashkëpunimi i intensifikuar Kinë-BE në sektorin e gjysmëpërçuesve mund të kontribuojë ndjeshëm në rimëkëmbjen e ekonomisë globale./cgtn
