Kryetarët e bashkive dhe përfaqësuesit e 26 qyteteve në 22 vende janë mbledhur në Shangai për Dialogun Global të Kryebashkiakëve dhe Forumin Ndërkombëtar të Bashkëpunimit të Qyteteve të Miqësisë të Shangait 2025, i cili filloi të mërkurën dhe zgjat deri të shtunën, bën të ditur “Xinhua”.
“Qytetet duhet të thellojnë bashkëpunimin pragmatik, të forcojnë miqësitë e vjetra të bazuara në besim të ndërsjellë dhe konsultime të përbashkëta dhe të ndajnë mundësitë e zhvillimit, të gjitha me synimin e promovimit të prosperitetit dhe stabilitetit, vuri në dukje kryebashkiaku i Shangait, Gong Zheng.
Haris Doukas, kryebashkiak i Athinës, Greqi, theksoi rolin e diplomacisë së qytetit në trajtimin e krizës klimatike.
“Ndryshimi i klimës është sfida përcaktuese me të cilën përballet bota jonë e përbashkët sot”,- tha Dan Boyle, kryebashkiaku i Cork, Irlandë, duke shtuar se fryma e bashkëpunimit ndërkombëtar mund të japë njëfarë optimizmi se kjo sfidë me të cilën përballet mbarë njerëzimi do të kapërcehet./cgtn
