Një zëdhënës i Ministrisë së Mbrojtjes Kombëtare të Kinës konfirmoi të enjten vënien në punë të anijes së tretë spitalore në shkallë të gjerë, “Auspicious Ark”, duke nënvizuar rolin e këtyre anijeve në ofrimin e sigurisë publike për komunitetin ndërkombëtar.
Kjo është anija e tretë spitalore e Kinës, e projektuar dhe ndërtuar brenda vendit, tha zëdhënësi Zhang Xiaogang në një konferencë të rregullt për shtyp, citon “Xinhua”.
Anija e re spitalore me pajisje të avancuara mjekësore bashkohet me “Arkën e Paqes” dhe “Arkën e Rrugës së Mëndafshit” si një aset thelbësor për operacionet e mbështetjes mjekësore detare, vuri në dukje Zhang.
Ai theksoi gjithashtu misionet e shumta të anijes, të cilat përfshijnë ofrimin e shërbimeve mjekësore humanitare ndërkombëtare, ofrimin e ndihmës mjekësore urgjente gjatë fatkeqësive të mëdha dhe promovimin e shkëmbimeve mjekësore ushtarake./cgtn
