Që nga semestri i vjeshtës së vitit 2024, shkollat fillore dhe ato të mesme në Pekin, në një përpjekje për të përmirësuar oraret e mësimit, prezantuan periudhën e pushimit 15-minutësh, një zgjatje prej 5 minutash krahasuar me orarin e mëparshëm.
Kjo kohë pushimi shtesë u ofron fëmijëve më shumë mundësi për aktivitet fizik dhe çlodhje. Përtej Pekinit, qeveritë lokale në të gjithë Kinën po zbatojnë politika të ndryshme për të siguruar që nxënësit të kenë aktivitete të duhura pushimi dhe klasa të mjaftueshme për edukim fizik, me qëllimin për të përmirësuar mirëqenien dhe rritjen e tyre të përgjithshme.
Presidenti Xi Jinping mbjell pemë më nxënës, 3 prill 2025, Pekin/Foto nga Xinhua
Sipas Presidentit të Kinës Xi Jiniping, aftësimi fizik i të rinjve, të cilët janë “e ardhmja e vendit dhe shpresa e kombit”, përbën një rëndësi jetike. Ai e ka theksuar shpesh këtë koncept gjatë vizitave nëpër shkolla ose pjesëmarrjeve në eventet shtetërore që kanë të bëjnë me çështjet e fëmijëve.
Vitet e fundit, janë nxjerrë edhe një sërë politikash në përgjigje të thirrjes së vendit për zhvillimin e koordinuar të mësimit shkollor dhe ushtrimeve fizike të të rinjve kinezë.
Në vitin 2021, Këshilli i Shtetit nxori Planin për Zhvillimin e Fëmijëve Kinezë (2021-2030), në të cilin shëndeti i fëmijëve përfshihej si fushë prioritare zhvillimi.
Në vitin 2022 u miratua një rishikim i Ligjit për Kulturën Fizike dhe Sportet, në një seancë të Komitetit të Përhershëm të Asamblesë Kombëtare Popullore. Rishikimi është i pari i këtij lloji gjithëpërfshirës dhe sistematik, që nga zbatimi fillestar i ligjit në vitin 1995.
Foto nga VCG
Foto nga VCG
Në vitin 2024, Ministria e Arsimit, në bashkëpunim me Komisionin Kombëtar të Shëndetit dhe Byronë Kombëtare të Kontrollit dhe Parandalimit të Sëmundjeve, lëshoi Udhëzimin mbi Parandalimin dhe Kontrollin e Miopisë në Kopshtet dhe Shkollat Fillore, duke specifikuar tetë masa për të zvogëluar në mënyrë efektive miopinë tek fëmijët e vegjël.
Si pjesë e planit arsimor të vitit 2035, vendi po nxit nxënësit e shkollave fillore dhe të mesme që të bëjnë të paktën dy orë aktivitet fizik në ditë, një veprim që synon të trajtojë shkallën në rritje të miopisë dhe obezitetit.
Falë kohës dhe hapësirës së dedikuar, aktualisht shumë shkolla po punojnë për të ofruar programe edukimi fizik me cilësi më të lartë, të cilat përqendrohen në përmirësimin e shpejtësisë, shkathtësisë, forcës dhe qëndrueshmërisë së nxënësve./cgtn
