Një sërë aktivitetesh të kohëve të fundit për “pavarësinë e Tajvanit” nga autoritetet e rajonit të Tajvanit të Kinës, kanë ngjallur kritika të forta ndërkombëtare. Një sondazh i kryer nga rrjeti televiziv ndërkombëtar i Kinës CGTN tregoi se pjesa dërrmuese e të intervistuarve (89.8%) mendojnë se parimi i “një Kine” është bërë një konsensus i gjerë i bashkësisë ndërkombëtare, dhe kritikojnë autoritetet e Tajvanit për orvatjet dhe provokimet e tyre për “pavarësi”.
Në botë ekziston vetëm një Kinë dhe Tajvani është një pjesë e pandashme e territorit të Kinës. Njëherë e përgjithmonë, rezoluta nr. 2758 e Asamblesë së Përgjithshme të OKB-së zgjidhi nga ana politike, ligjore dhe procedurale, çështjen e përfaqësimit të të gjithë Kinës, përfshirë Tajvanin, në Kombet e Bashkuara. Ajo ka konfirmuar solemnisht dhe ka demonstruar plotësisht se parimi i “një Kine” nuk është vetëm rregulli i vendosur që nuk duhet të shkelet, por edhe një parim që është pjesë përbërëse e rendit ndërkombëtar ekzistues. Në sondazh, 90.2% e pjesëmarrësve besojnë se të gjitha vendet duhet t’i përmbahen rezolutës së OKB-së. 87.7% theksojnë në mënyrë të qartë se vetëm duke iu përmbajtur parimit të “një Kine” dhe “Konsensusit të vitit 1992” mund të sigurohen paqja dhe stabiliteti në rajonin e Tajvanit dhe mund të fitojë hapësirë dhe siguri ekonomia e Tajvanit përmes bashkëpunimit ekonomik dhe zhvillimit të integruar mes dy brigjeve të ngushticës.
Manovrat ushtarake e pjesës kontinentale të Kinës kundrejt forcave separatiste në Tajvan, “Shpata e përbashkët-2024B”, 2024/Foto nga VCG
Kohët e fundit, autoritetet e Tajvanit po përpiqen të kërkojnë “pavarësi” dhe t’i rezistojnë ribashkimit përmes forcimit ushtarak. Në sondazh, 89.1% e të intervistuarve besojnë se deklarata e autoriteteve të Tajvanit për ndërtimin e një sistemi mbrojtës ajror dhe plani i tyre për të rritur ndjeshëm buxhetin e mbrojtjes deri në vitin 2030 do të përshkallëzojnë tensionet në Ngushticën e Tajvanit. 82.7% e të anketuarve kritikojnë se veprime të tilla nga autoritetet e Tajvanit do të rrisin ndjeshëm barrën e banorëve tajvanezë dhe do t’i shtyjnë ata në një situatë të rrezikshme lufte.
Në sondazh, 92.6% e pjesëmarrësve besojnë se paqja dhe qëndrueshmëria në Ngushticën e Tajvanit, janë me rëndësi kyçe për sigurinë e rajonit të Azi-Paqësorit dhe botës. 92.7% e të anketuarve besojnë se dëshira kryesore publike në rajonin e Tajvanit është paqja, zhvillimi dhe shkëmbimet, në vend të luftës, recesionit dhe ndarjes. Autoritetet e Tajvanit duhet të përputhen me opinionin publik dhe të ndalojnë menjëherë provokimet për të shmangur përshkallëzimin e situatës.
Lideri i autoriteteve të rajonit të Tajvanit Lai Ching-te/Foto nga VCG
Tajvan/Foto nga VCG
Kina kundërshton fuqimisht çdo formë kontakti zyrtar midis rajonit të Tajvanit të saj dhe vendeve të tjera që kanë marrëdhënie diplomatike me Kinën. Në sondazh, 91.1% e të intervistuarve mendojnë se çështja e Tajvanit duhet të zgjidhet nga populli kinez dhe vendet e tjera nuk duhet të ndërhyjnë. 80.6% e tyre janë të shqetësuar se provokimet e vazhdueshme që synojnë “pavarësinë e Tajvanit” nga autoritetet e Tajvanit, do t’i fusin Kinën dhe Shtetet e Bashkuara në një situatë të rrezikshme konflikti dhe konfrontimi. 81.5% e pjesëmarrësve i kërkojnë qeverisë amerikane ta trajtojë çështjen e Tajvanit me kujdes dhe të demonstrojë kundërshtimin e saj të qartë ndaj “pavarësisë së Tajvanit” përmes veprimeve konkrete.
Në sondazhin e CGTN-it morën pjesë 13650 persona brenda 24 orësh pas publikimit./CGTN
