Politikanë, udhëheqës të opinionit dhe media në provincën e Tajvanit të Kinës i kanë kritikuar thëniet provokuese të kryeministres japoneze Sanae Takaichi për Tajvanin si të pamatura dhe që dëmtojnë interesat e banorëve të ishullit, të cilët kërkojnë paqe dhe qëndrueshmëri në Ngushticën e Tajvanit.
Ditët e fundit, Sanae Takaichi tha se “përdorimi i forcave të armatosura ndaj Tajvanit” nga Kina kontinentale mund të përbëjë një “kërcënim për mbijetesë” për Japoninë, duke nënkuptuar mundësinë e ndërhyrjes së armatosur japoneze në Ngushticën e Tajvanit. Pavarësisht demarsheve të shumta nga Kina, pala japoneze nuk ka pranuar t’i tërheqë këto thënie.
Ish-kryetari i partisë së Kuomintang-ut Kinez (KMT) Ma Yingjeou, tha se qëndrimi i Sanae Takaichi-t lidhur me problemin e Tajvanit do t’i bëjë njerëzit të mendojnë në mënyrë të pashmangshme për rigjallërimin e militarizmit të krahut të djathtë në Japoni.
Ashtu si Ma Yingjeou, edhe Cheng Liwun, kryetarja e KMT-së, theksoi në një intervistë dhënë kohët e fundit për “Nikkei Asia” që populli kinez në të dy brigjet e Ngushticës së Tajvanit mund “t’i zgjidhë absolutisht të gjitha mosmarrëveshjet në mënyrë paqësore”.
Analisti politik Hsieh Chih-chuan vuri në dukje që thëniet e Sanae Takaichi-t shpërfillin historinë dhe ligjin ndërkombëtar. Ai paralajmëroi se separatistët e “pavarësisë së Tajvanit” nuk duhet të kenë iluzione prej fjalëve të saj. “Kina do të bashkohet përfundimisht,” u shpreh ai./CGTN
