Të dashur miq! Në emisionin e sotëm Leaders Talk, do të takohemi me Presidenten e Islandës Halla Tomasdóttir, e cila mori pjesë në Samitin Global të Grave. Si e vlerëson ajo kontributin e Kinës në zhvillimin e çështjeve të grave të botës? Kina dhe Islanda vitin tjetër do të kenë 55-vjetorin e vendosjes së lidhjeve diplomatike dypalëshe. Si e sheh ajo zhvillimin e marrëdhënieve dhe thellimin e bashkëpunimit të ardhshëm? Çfarë kuptimesh ka ajo për kulturën kineze, pasi vizitoi Pallatin Perandorak të Pekinit? Do të gjejmë përgjigjet së bashku në “Leaders Talk”.
Duke folur për Samitin Global të Grave dhe vizitën e saj në Kinë, Presidentja Tomasdóttir tha: “Jam shumë e nderuar që jam ftuar të vij këtu. Para 30 vjetësh, Islanda zgjodhi presidenten e parë femër, e cila mori pjesë në Konferencën Botërore të Grave në Pekin. Pas 30 vjetësh, unë si presidentja e dytë femër e Islandës, vij këtu për të marrë pjesë në këtë Samit Global të Grave. Sipas mendimit tim, barazia gjinore ka të bëjë me zhvillimin e qëndrueshëm, me bashkëjetesën paqësore dhe më shumë me shpërndarjen e pushtetit mes vendeve të mëdha dhe të vogla. Prandaj, ky samit është një moment i rëndësishëm. Për mua, balancimi dhe barazia gjinore janë gjithmonë në qendër të punës sime. Pra, të marr pjesë në këtë samit është një nder i madh për mua!”
Lidhur me arritjet e Kinës gjatë rrugës për modernizim, ajo vlerësoi lart arritjet e në uljen e varfërisë dhe përballimin e ndryshimeve klimatike, duke thënë: “Kjo pyetje është në fakt shumë e lehtë për t’u përgjigjur. Unë mendoj se aktualisht po përballemi me dy kriza të mëdha: së pari, kriza emergjente klimatike. Në fakt, toka tashmë ka arritur ose ka kaluar pikën kritike të ruajtjes së ekuilibrit në disa aspekte ndaj situata është me të vërtetë urgjente. Kriza tjetër e madhe, sipas mendimit tim, është çështja e pabarazisë. Në të dy këto fusha, Kina ka arritur përparime të dukshme. Kur bëhet fjalë për uljen e varfërisë, madje edhe për një lider të një vendi të vogël siç jam unë, është shumë e vështirë; është e vështirë të imagjinohet sa përpjekje duhen bërë për t’i nxjerrë qindra miliona njerëz nga varfëria. Por Kina e ka arritur këtë. Kina ka bërë gjithashtu përparime të mëdha në fushën e energjisë së pastër, veçanërisht energjinë diellore dhe atë të erës.”
Gjatë intervistës, Presidentja Tomasdóttir deklaroi se bashkëpunimi midis Kinës dhe Islandës është një histori e bukur. Sukseset e arritura në marrëdhëniet mes dy vendeve dëshmojnë qartë se vendet me situata të ndryshme mund të kapërcejnë dallimet në sistemin shoqëror dhe të arrijnë përfitime të përbashkëta. Ne gjithashtu presim me padurim që Kina dhe Islanda të forcojnë më tej shkëmbimet dhe të thellojnë bashkëpunimin në të ardhmen, duke sjellë më shumë përfitime për popujt e dy vendeve./CGTN
