Ekspertët e të drejtave të njeriut diskutuan promovimin nga Kina të përparimit të gjithanshëm të të drejtave të njeriut dhe pjesëmarrjen aktive në çështjet globale të të drejtave të njeriut në një simpozium të zhvilluar të premten.
Simpoziumi, i organizuar nga Shoqata Kineze për Studimet e të Drejtave të Njeriut, mblodhi ekspertë të të drejtave të njeriut nga universitete, institucione kërkimore shkencore dhe departamente përkatëse, për të ndarë pikëpamjet mbi studimin dhe zbatimin e frymës së plenumit të 4-t të Komitetit të 20-të Qendror të Partisë Komuniste të Kinës (PKK).
Zv.presidenti i Shoqatës Kineze për Studimet e të Drejtave të Njeriut Shen Yongxiang tha që Rekomandimet e Komitetit të 20-të Qendror të PKK-së për Hartimin e Planit të 15-të 5-vjeçar për Zhvillimin Ekonomik dhe Shoqëror kërkojnë promovimin e përparimit të gjithanshëm të të drejtave të njeriut. Në plenum janë përcaktuar objektiva frymëzues dhe masa praktike për të promovuar mbrojtjen e gjithanshme të të gjitha të drejtave të njeriut, veçanërisht të drejtave ekonomike, shoqërore e kulturore.
Pjesëmarrësit në këtë simpozium u zotuan të përmirësojnë më tej teoritë e të drejtave të njeriut, të përshpejtojnë ndërtimin e një sistemi origjinal njohurish mbi të drejtat e njeriut që është në përputhje me zhvillimin e punëve të të drejtave të njeriut në Kinë, dhe të kontribuojnë në forcimin e zërit të Kinës në shkëmbimet ndërkombëtare mbi të drejtat e njeriut./CGTN
