Një artikull nga sekretari i përgjithshëm i Komitetit Qendror të Partisë Komuniste të Kinës (PKK) Xi Jinping mbi zbatimin e kërkesave për vetëreformimin e Partisë do të botohet të hënën në numrin e 23-të të këtij viti të revistës “Qiushi”, organ kryesor i Komitetit Qendror të PKK-së.
Duke vënë në dukje detyrat e vështira në realizimin e modernizimit kinez dhe një mjedis të ndërlikuar qeverisjeje me të cilin përballet Partia, artikulli thekson rëndësinë e rritjes së të kuptuarit të vetëreformimit të Partisë, çka do të përmirësojë imazhin e Partisë dhe besimin publik tek ajo, do të motivojë anëtarët e zyrtarët e Partisë dhe do të sigurojë mbështetje të fortë politike për zhvillimin me cilësi të lartë.
Në artikull u kërkohet gjithashtu zyrtarëve të të gjitha niveleve të përmbushin me vendosmëri përgjegjësitë e tyre lidhur me qeverisjen e Partisë dhe të nxisin në mënyrë efektive kulturën e ndershmërisë./CGTN
