Pavle Mijoviç-Osllobogjenje[i]
Miqtë e tij intimë ishin Michael Jackson, i cili qëkur ishte gjallë ishte i ngarkuar me akuza për pedofili, pastaj profesorët Alan Dershovitz, luftëtar për liritë civile, Noam Çomski, majtist dhe kritik i demokracisë liberale, dhe më popullorët në këtë shoqëri, presidentët Clinton dhe Trump si dhe mogulët e IT Bill Gates dhe Elon Musk.
Jefrey Epstein në kujtesën kolektive do të mbetet si predator i gjykuar seksual, i cili, duke shfrytëzuar rrjetin e fuqisë, njohjeve, privilegjeve dhe paprekshmërinë juridike, krijoi një sistem kompleks prostitucioni, prostituim të vajzave nën moshën madhore, shkurt krime të cilët bëjnë pjesë në ata më të pështirët. Vdekja e tij në vitin 2019 është e mbuluar me një vel fshehtësie – raporti zyrtar flet për vetëvrasje në qelinë e burgimit – teoricionet e komploteve mendojnë se bëhet fjalë për vrasje, meqënëse mbrojtja eventuale e Epstejnit do të inkriminonte një plejadë të tërë njerëzish të fuqishëm, politikanë, njerëz të sukseshëm dhe të famshëm. Jeta dhe karriera profesionale e tij për vite me radhë janë konsideruar si diçka e veçantë, me karakter pothuajse magjik: si djalë i ri, kishte namin e një matematikani të talentuar, më vonë u bë çudibërës financiar dhe konsultant i famshëm, ideolog dhe më pas gjeni krijues i shoqërisë së lartë amerikane, por, realiteti në rastin e Epstejnit ishte krejtësisht tjetër.
Do të mbetet në kujtesë si predator seksual i cili ideoi skemën më të përpunuar dhe më përzgjedhëse të prostitucionit në historinë e re amerikane – në ekonomi ekuvalenti i saj mund të ishte skema e Ponzit – ndërsa dokumentet e Epstejnit (Epstein files), të cilat i ka deklasifikuar kohët e fundit Ministria amerikane e drejtësisë, dhe më pas një pjesë të tyre e ka bërë të aksesueshme për opinionin publik – është fjala për 3,5 milionë faqe, 2.000 video dhe 180.000 fotografi – është tregues i qartë jo vetëm i fëlliqësirave të tij por edhe i vetë strukturës dhe raporteve që dominojnë në politikën e lartë.
Nëse Epstejni në një interval të caktuar kohor – nga fillimi i viteve tetëdhjetë të shekullit të kaluar e deri te akuzat e para për ngacmime seksuale të vitit 2005 – përsonifikonte mishërimin e ëndërrës amerikane, shoqërisë së përzgjedhur dhe lidhje në politikën e lartë dhe në financa – dokumentet e tij shveshën deri në palcë jo vetëm shoqërinë dhe interesat e saj por edhe relacionet patologjike, duke treguar tërë mbrapshëtinë dhe kalbëzimin e saj, për të përdorur metaforën hamletiane. Miqtë e tij intimë ishin Michael Jackson, i cili qëkur ishte gjallë ishte i ngarkuar me akuza për pedofili, pastaj profesorët Alan Dershovitz, luftëtar për liritë civile, Noam Çomski, majtist dhe kritik i demokracisë liberale, dhe më popullorët në këtë shoqëri, presidentët Clinton dhe Trump si dhe mogulët e IT Bill Gates dhe Elon Musk.
Si dëshmitar i një kohe dhe raporteve të afërta, është zbuluar libri i ditëlindjes së Epsteinit – i përgatitur në vitin 2003, kur i famshmi Jefrey festoi pesëdhjetë vjetorin – i ndarë në disa rubrika (familja, miqtë, vajzat dhe asistentët), i cili jep disa informacione kurioze. Presidenti Trump do të përgënjështrojë me kërcënimin e akuzave milionëshe, ndërsa Bill Clintoni, edhe vetë i prirur për skandale seksuale, në kartolinën e urimit evokon kujtime të bukura, mësimet e përbashkëta dhe njohjen, duke mburrur “kuriozitetin fëminor” të Epsteinit. Mbetet e paqartë kujt i referohet Clintoni – megjithëse në konteksin pedofilik duket gjithnjë e më e qartë se sintagma e çimentuar evokon ngjarje të dikurshme, dhe duket se kështu edhe do të mbetet, meqënëse ai refuzon të respektojë seancën dëgjimore para Kongresit amerikan, dhe paraprakisht ka deklaruar si punët që bënte miku i tij ishin tërësisht të panjohura për të.
Vëllai i vogël i Mbretit Charles III, Andreë Mountbatten-Windsor humbi titujt mbretërorëe pikërisht për shkak të lidhjeve me Epsteinin – humbja nisi qëkur ishte gjallë e ëma e tij Mbretëresha Elizabeta, Bill Gates, dyshohet me bazë se, për shkak të fëlliqësirave në këtë shoqëri të lartë, i dështoi edhe martesa me Melinda Gates. Mirosllav Lajçaku, ish përfaqësuesi i lartë në Bosnjë e Hercegovinë dhe diplomati i famshëm sllovak dhe europian, më vonë president i Asamblesë së Përgjithshme të OKB-së, dha dorëheqjen nga posti i këshilltarit të kryeministrit sllovak Robert Fico. Edhe Lajçaku, sëpaku siç del nga dokumentat, ka komunikuar me Epsteinin – dhe kanë biseduar për gjithçka, për shoqërinë, politikën, ekonominë dhe gratë. Lajçaku, sikurse pak a shumë dihej, i mohoi të gjithë akuzat dhe inkriminimet.
Në shoqërinë lartë e cila ka dominuar në skenën botërore, për fëlliqësirat e kryera u nevojitej sëpaku diçka më shumë privatsi dhe izolim: Epsteini kishte si pronë të tijën dy ishuj (Little St. James i Great St. James) në përbërje të Ishujve të Virgjër amerikanë, të cilët më pas do të quhen “ishujt e pedofilëve” dhe do të bëhen seli e rrjetës për tregtinë seksuale. Deri te këta ishuj të izoluar si rregull shkohej me avionë privatë – Epsteini zotëronte Boing 727-100 i cili kolokialisht quhej Lolita Express – dhe pas vdekjes së tij i është shitur investitorit privat, dhe një pjesë e mjeteve nga shitja shkon në fondin për viktimat e Epsteinit.
Vetë Epsteini në intervistën e publikuar para pak kohësh – do të merret vesh se kjo ishte intervista e tij e fundit para vdekjes – të cilën e drejtoi Steve Benon, ideologu i dikurshëm i Trumpit, gjatë dy orëve do të pohojë se është kriminel seksual, por besonte se jeta bën çudira dhe se ishte i involvuar edhe në punë humanitare në mbarë botën. Bannon e pyeti direkt nëse besonte se ai ishte mishërimi i së keqes – “a mendoni se jeni vetë djalli?”- Epsteini mohoi, duke shtuar se gjithsesi mendon për ato që ka bërë. Epsteini ka qënë ndërmjetës i shkathët- middleman-, i cili lidhte pozitat e larta politike dhe shoqërore me pasionet më të ulëta njerzore, duke, rinovuar me dinakëri rrjetin e tij. Mësimi nga rasti i Epsteinit në fakt flet për atë se politika jonë e lartë duket e çuditshme, manijakale, e bazuar në pozitat patologjike të fuqisë, pasionet e dhunshme për zbulimin e njëri tjetrit, ajo në realitet është më keq. Përveç Epsteinit, jeta e të cilit përfundoi me vetëvrasje, dhe partneres së tij Ghislaine Maxëell, të dënuar me njëzet vite burgim, aktorët kryesorë të kësaj historie, si edhe në shumë raste të ngjashme, kurrë nuk do të procedohen as do të ndëshkohen në mënyrë adekuate.
[i] https://www.oslobodjenje.ba/dosjei/kolumne/epsteinov-poucak-1110423/
/Përktheu për Argumentum Xhelal FEJZA
