Në shtatë muajt e parë të këtij viti, importet dhe eksportet e mallrave të Kinës u shtuan 17.3 % në bazë vjetore, ndërsa importet patën një rritje 22 %, duke shënuar një ritëm rritjeje të importit që e tejkalon atë të eksportit për pesë muaj me radhë. Kina e sotme nuk është vetëm një “supershitëse” globale, por edhe një “superblerëse”, thuhet në një koment të Grupit Mediatik të Kinës (CMG).
Fondi Monetar Ndërkombëtar parashikoi së fundmi që rritja e tregtisë globale do të ngadalësohet nga 5 % vjet në 3.5 % sivjet. Në këtë sfond, disa politikanë dhe media perëndimore pretendojnë se suficiti tregtar i Kinës ka “tronditur” dhe “shtrydhur” tregun global, dhe që zhvillimi i manifakturës kineze ka zënë hapësirën e industrializimit të vendeve të Jugut Global. Këto pretendime, që nuk bazohen në logjikën ekonomike dhe faktet bazë, janë të mbushura me standarde të dyfishta dhe ankth hegjemonik, duke u vënë gjerësisht në dyshim nga opinioni publik ndërkombëtar.
Sang Baichuan, drejtor i Institutit për Teorinë e Ekonomisë së Hapur të Kinës pranë Universitetit të Biznesit dhe Ekonomisë Ndërkombëtare, i tha CMG-së se, si fuqia më e madhe prodhuese në botë, Kina shfrytëzon të gjithë sistemin e saj industrial dhe novacionin teknologjik për të zhvilluar vazhdimisht produkte me cilësi të lartë e të përballueshme, duke iu përgjigjur shpejt nevojave të vendeve të ndryshme dhe duke u bërë një “supershitëse”. Më e rëndësishmja është që Kina vazhdon të zgjerojë hapjen e nivelit të lartë, të promovojë zhvillimin e balancuar të tregtisë dhe të krijojë përfitime nga tregu supermasiv, duke sjellë mundësi të mëdha për botën dhe duke u bërë një “superblerëse” e mirëpritur.
foto nga VCG
Faktet janë kundërpërgjigjja më e mirë kundër shtrembërimit dhe njollosjes perëndimore, komenton CMG-ja. Si një “supershitëse”, Kina i ka ofruar vazhdimisht botës furnizim produktesh me cilësi të lartë, të përballueshme, të qëndrueshme e të besueshme. Për shembull, kondicionerët nga Kina u kanë krijuar lehtësim evropianëve që sivjet janë goditur nga valët e nxehtësisë; automjetet kineze me energji të re ndihmojnë konsumatorët jashtë vendit të ulin shpenzimet …
Dani Rodrik, profesor i Universitetit të Harvardit, theksoi se suficiti tregtar i Kinës mund të përshkruhet më mirë ndoshta si “favorizimi i vendeve fqinje.” Ndërsa në një raport të fundit nga Universiteti i Mançesterit në Britaninë e Madhe thuhet që zhvillimi i industrisë së gjelbër të Kinës po mbështet tranzicionin global drejt karbonit të ulët.
Për më tepër, Kina ka mbajtur pozicionin si importuesja e dytë më e madhe në botë për 17 vjet radhazi, duke zbatuar politika tarifash zero për 63 vende. Në shtatë muajt e parë të këtij viti, importet e Kinës nga më shumë se 150 partnerë tregtarë patën rritje. Që nga fillimi i këtij viti, seria e aktiviteteve “Eksportimi në Kinës” është mbajtur mbi 40 herë brenda e jashtë vendit. Zgjerimi i vazhdueshëm i importeve nga Kina jo vetëm që i plotëson më mirë nevojat e njerëzve dhe ndërmarrjeve kineze, por gjithashtu ka krijuar më shumë porosi, vende pune dhe përfitime zhvillimore për partnerët e saj tregtarë.
foto nga VCG
Më e rëndësishmja është se importet e zgjeruara të Kinës kanë ndihmuar shumë vende që mbështeten te burimet e eksportet të zhvillojnë ekonomitë e tyre, duke promovuar fuqishëm globalizimin ekonomik përfshirës dhe me përfitime për të gjithë. Kjo është ndier thellësisht nga vendet e Jugut Global. Duke filluar nga 1 maji i këtij viti, Kina zbatoi plotësisht politikën e tarifave zero për 53 vende afrikane me të cilat ajo ka marrëdhënie diplomatike. Në maj dhe qershor, importet e Kinës nga vendet afrikane arritën në 193.8 miliardë juanë, me një rritje prej 23.5 % në bazë vjetore.
“Superblerëse + supershitëse” nënkupton që Kina nuk është vetëm e gatshme të jetë “fabrika e botës” por edhe “tregu i botës”, ndërsa zhvillimi i saj i sjell botës jo “tronditje” dhe “shtrydhje”, por mundësi dhe fuqizim, përfundon komenti i CMG-së./cgtn
