Kina u bëri thirrje të gjitha vendeve të rigjallërojnë bashkëpunimin global dhe të përshpejtojnë përmirësimin e qeverisjes globale të të drejtave të njeriut, sipas Paktit Ndërkombëtar për të Drejtat Ekonomike, Sociale dhe Kulturore, në një diskutim në panelin e OKB-së, të mbajtur në kuadër të sesionit të 63-të të Këshillit të të Drejtave të Njeriut të OKB-së mbi promovimin dhe mbrojtjen e të drejtave ekonomike, sociale dhe kulturore në përpjekje për të adresuar pabarazitë, shkruan “Xinhua”.
Jia Guide, përfaqësuesi i përhershëm i Kinës në Zyrën e OKB-së në Gjenevë / “geneva.china-mission.gov.cn”
Jia Guide, përfaqësuesi i përhershëm i Kinës në Zyrën e OKB-së në Gjenevë dhe organizata të tjera ndërkombëtare në Zvicër, deklaroi se mes presioneve të vazhdueshme fiskale të OKB-së, ndarja e burimeve për të drejtat ekonomike, sociale dhe kulturore mbetet e pamjaftueshme, ndaj bashkësia ndërkombëtare duhet t’u japë këtyre të drejtave përparësi më të lartë në agjendën shumëpalëshe të të drejtave të njeriut.
Ai u bëri thirrje të gjitha vendeve të rigjallërojnë bashkëpunimin global, të përmbushin detyrimet e tyre sipas Paktit Ndërkombëtar për të Drejtat Ekonomike, Sociale dhe Kulturore, të përshpejtojnë përmirësimin e qeverisjes globale të të drejtave të njeriut, t’i kushtojnë më shumë rëndësi dhe të mbështesin nevojat e vendeve në zhvillim, të mbështesin rolin e Zyrës së Komisionerit të Lartë të OKB-së për të Drejtat e Njeriut dhe të ofrojnë më shumë ndihmë teknike dhe ndërtim kapacitetesh përmes Qendrës së Njohurive për të Drejtat Ekonomike, Sociale dhe Kulturore.-cgtn
