Ambasada e Shteteve të Bashkuara të Amerikës u ka bërë thirrje shtetasve amerikanë që të kenë kujdes gjatë të mërkurës së 16 shtatorit, kur në Prishtinë dhe gjithandej nëpër Kosovë priten tubime të mëdha në pritje të verdiktit në Hagë ndaj katër ish-eprorëve të Ushtrisë Çlirimtare të Kosovës.
Pa e përmendur këtë si arsye për tubimet, që i paralajmëron si demonstrate të mëdha, kjo ambasadë alarmon se und të shkaktojnë grumbullime të mëdha të qytetarëve, mbyllje të rrugëve dhe pengesa serioze në trafik, raporton Kosovapress.
“Këto demonstrata mund të shkaktojnë grumbullime të mëdha njerëzish, mbyllje të rrugëve dhe pengesa serioze në trafik. Këshillohet që udhëtimet të kufizohen në zonën e afërt të vendbanimit tuaj dhe të shmangni udhëtimin drejt vendit të punës dhe shkollave nëse rruga juaj kalon nëpër zonat e prekura, pasi mund të mos arrini ta përfundoni udhëtimin në kohën e parashikuar”, thuhet në njoftim.
Ambasada amerikane bën me dije se do të jetë e hapur, ndërsa shërbimet konsullore do të ofrohen në mënyrë të kufizuar, sipas nevojës.
/Argumentum.al
