Në mbledhjen e dytë të qeverisë, pasi janë konfirmuar rastet e para me koronavirus në Shqipëri, kryeministri Edi Rama ka prezantuar masat e reja të marra për të parandaluar një bilanc më të rënduar.
Njësoj si në Italinë fqinje do të mbyllen pub-et, clubet, palestrat dhe ambientet e mbyllura me shumë njerëz si një masë mbrojtëse. Sa i përket restoranteve dhe lokaleve ato nuk do të mbyllen, por do të risistemojnë ambientin e tyre duke vendosur tavolinat me hapësirë nga njëra-tjetra prej dy metra.
Çfarë mund të jetë tjetër veçse luftë nëse në Itali do të qëndrojnë hapur vetëm ushqimore dhe farmacitë. Çfarë kanë ushtarët në frontin e parë të luftës, farmaci dhe ushqim dhe një vend për të fjetur. Por që mos vijë puna tek farmacitë dhe ushqimore unë i bëj thirrje të gjithëve, më takon mua ta bëj këtë. Unë jam i pari që për të lidhur fjalët me veprat pavarësisht se nuk më kontrolloni ju po zbatoj rregullat. Të zbatoni rregullat, sepse nëse dikush vendos të vrasë veten shteti është i detyruar është i detyruar ta ndalojë një gjë të tillë.
Këtu shumë kush po luan me veten, nënën dhe babain, motrën dhe vëllain duke i bërë karshillëk një armiku, force të verbër që të këput në mes.
Ne do ti mbyllim të gjitha pubet, palestrat, diskot dhe mjedise që mbledhin shumë njerëz. Do ti mbyllim për të vendosur shëndetin të parin. Më ka rënë mua që ta bëj këtë rol me ju që ta bëj edhe policin edhe prindin edhe të keqin. Por kjo është gjëja që duhet bërë. Janë kufizuar kontaktet këtu në këtë godinë.
Duke iu referuar faktit se thirrjeve për të kufizuar lëvizjet nuk janë marrë parasysh nga shumë qytetarë, kryeministri tha se do të merret vendim për të mbyllur të gjitha mjediset ku grumbullohen shumë njerëz.
“Do t’i mbyllim të gjitha, pub-e, palestra, dhe mjedise që mbledhin shumë njerëz. Do t’i mbyllim të gjitha për të vendosur shëndetin të parin. Nuk është dëshira ime, por po u them që kjo është gjëja që duhet bërë. Janë kufizuar kontaktet këtu në këtë godinë për të gjithë, jo vetëm për mua. Dhe mbledhjet që do të bëjmë do të jenë diçka e radhë që do të bëjmë”, deklaroi z. Rama.
Për restorantet dhe lokalet, tha se duhet të krijojnë distancë 2 metra nga njëra-tjetra për të vijuar punën. Kreu i qeverisë paralajmëroi se në rast të mos respektimit të këtyre rregullave do të ketë dhe sanksione.
“Çekia ka vendosur 100 milionë euro gjoba. Izraeli ka mbyllur 100 mijë persona në shtëpi dhe nëse dalin shkojnë drejtë për së drejti në burg”, tha z.Rama duke i marrë si referencë.
Nga nesër, tha kreu i qeverisë të gjithë punonjësit e administratës që mund të ofrojnë shërbim nga kompjuteri nuk do të paraqit në punë si dhe do të mbyllen të gjitha sportelet e shërbimeve në zyrat e shtetit.
Nga dita e nesërme do të çojmë në shtëpi atë pjesë të administratës që mund të punojë me kompjuter. Nga nesër nuk do të japim më shërbime nëpër sportele. Nesër ADISA do të mbyllet. Jemi ne gjendje lufte.
Ai foli më tej për akuzat e ngritura së fundmi nga opozita se në Shqipëri kanë hyrë maska të rrezikshme dhe të skaduara. Kreu i qeverisë tha se bëhet fjalë për disa maska të ardhura në Kanadaja nga një fondacion bamirësie por që nuk janë të skaduara dhe të rrezikshme.
Fillimisht, z. Rama përshëndeti fjalën e mbajtur dje nga kreu i opozitës, Lulzim Basha, por nga ana tjetër tha se sot situata ndryshoi. “Sot ndryshoi gjithçka, mbajti një fjalim për të nxitur panik”, tha ai.
Pavarësisht kësaj, kreu i qeverisë i bëri opozitës apel për bashkëpunim. “Ejani të bashkëpunojmë, nuk ka nevojë për shumë task-forca. Po helmoni opinionin publik se janë shpërndarë mbi 1 milion maska të skaduara dhe se tani janë dhënë fondet për karantinë. Kjo lëndon një popull të tërë. Ftesa është shumë e sinqertë”, theksoi ndër të tjera z. Rama.
Duke iu referuar faktit se thirrjeve për të kufizuar lëvizjet nuk janë marrë parasysh nga shumë qytetarë, kryeministri tha se do të merret vendim për të mbyllur të gjitha mjediset ku grumbullohen shumë njerëz.
