Vazhdon të jetë e ndezur situata në Bjellorusi, aty ku populli po proteston kundër presidentit Lukashenko, pasi ky i fundit deklaroi se ka fituar zgjedhjet. Një fitore e kontestuar që ka zgjuar jo vetem popullin bjellorus por të gjithë udheheqesit e BE-se e deri te vete sekretari Amerikan i Shtetit Mike Pompeo ku njëzëri i kërkojnë Lukashenkos te pranoje propozimin për një ndërmjetësim nga ana e Kryesisë së OSBE-së, që drejtohet nga Shqipëria.
Kujtojmë se Shqipëria mban presidencën e radhës së OSBE dhe kryeministri Edi Rama është angazhuar se bashku me ministren e Jashtme të Suedisë, Ann Lind, për të negociuar me palët në Bjellorusi.
Presidenti i Francës Emanuel Macron ka folur hapur mbi krizën politike në Bjellorusi.
Ditën e sotme sipas Reuters, Macron ka zbuluar se presidenti bjellorus Lukashenko, nuk ka pranuar propozimin e OSBE dhe të kryeministrit Rama për të luajtur një rol ndërmjetësimi në zgjidhjen e krizës.
Duke folur në një konferencë të përbashkët shtypi me Kancelaren gjermane Angela Merkel, Macron gjithashtu tha se Presidenti Rus Vladimir Putin reagoi në mënyrë të favorshme ndaj propozimit për rolin e OSBE-së.
Sekretari Amerikan i Shtetit, Mike Pompeo, ka kërkuar nga Bjellorusia të pranojë ofertën e kryesisë së OSBE për uljen në dialog të palëve.
“Shtetet e Bashkuara janë frymëzuar nga shfaqja e shprehjes paqësore të popullit në Bjellorusi që kërkon të përcaktojë të ardhmen e tij. Ne qëndrojmë në përkushtimin tonë afatgjatë për të mbështetur sovranitetin dhe integritetin territorial të Bjellorusisë, si dhe aspiratat e popullit në Bjellorusi për të zgjedhur udhëheqësit e tyre dhe të zgjedhin rrugën e tyre, të lirë nga ndërhyrjet e jashtme.
Ne mbetemi thellësisht të shqetësuar nga të metat serioze në zgjedhjet presidenciale të 9 gushtit në Bjellorusi dhe dënojmë me forcë dhunën e kryer ndaj protestuesve dhe gazetarëve paqësorë, arrestimin e kandidatëve të opozitës dhe protestuesve paqësorë, bllokimin e shërbimit të internetit të Bjellorusisë dhe abuzimin e të ndaluarve . Ne bëjmë thirrje për lirimin e menjëhershëm të atyre që janë arrestuar padrejtësisht dhe një llogari për ata që raportohen të zhdukur.
Shtetet e Bashkuara mbështesin zgjedhje të lira dhe të ndershme që pasqyrojnë vullnetin e popullit në Bjellorusi si një çështje parimi. Zgjedhjet e 9 gushtit nuk e përmbushën atë standard. Bjellorusia, si Shtetet e Bashkuara, është një anëtar i OSBE-së, i cili i mbështet ato standarde. Ne i kërkojmë qeverisë së Bjellorusisë të pranojë ofertën e kryesisë së OSBE-së për të lehtësuar dialogun dhe të angazhojë të gjithë palët e interesuara.
Ne mbështesim përpjekjet ndërkombëtare për të parë në mënyrë të pavarur parregullsitë elektorale të Bjellorusisë, abuzimet e të drejtave të njeriut rreth zgjedhjeve dhe goditjet që kanë pasuar.
Ne mbështesim përpjekjet ndërkombëtare për të parë në mënyrë të pavarur parregullsitë elektorale të Bjellorusisë, abuzimet e të drejtave të njeriut përreth zgjedhjeve dhe goditjet që kanë pasuar.
Ne i bëjmë thirrje qeverisë që të angazhojë në mënyrë aktive shoqërinë Bjelloruse, përfshirë përmes Këshillit Kombëtar të Krijuar të sapohapur, në një mënyrë që pasqyron atë që njerëzit e këtij vendi po kërkojnë, për hir të së ardhmes së Bjellorusisë, dhe për një Bjellorusi të suksesshme”, deklaron Pompeo.
Gazetarja franceze Sylvie Kauffmann shkruan në një status se Makron dhe Merkel kanë pasur biseda me Putinin për ndërmjetësimin e OSBE-së dhe lideri rus ka rënë dakord.
Ajo shton se presidenti bjellorus Lukashenko është kundër dhe nuk dëshiron të flasë për organizata të huaja.
“Makron dhe Merkel për Bjellorusinë: Kemi pasur disa biseda me Putinin. Kemi sugjeruar ndërmjetësimin e OSBE-së. Putin është dakord, ndërsa Lukashenko nuk ka dëshirë për këtë ndërmjetësim”, shkruan gazetarja franceze.
© Argumentum
