Ilir Meta, ish-presidenti i vendit dhe tashmë në krye të Partisë së Lirisë aludohet se është politikani i lartë i shtetit, që përmendet në dosjen e Autoritetit për Informim mbi Dosjet e Sigurimit te Shtetit.
Ky fakt u bë i ditur mediatikisht sot pasi Kryetarja e Kuvendit Znj.Lindita Nikolla e cila, ka thërritur në mbledhje kryetarët e grupeve parlamentare për t’u vënë në dispozicion dosjen e Autoritetit për Informim mbi Dosjet e Sigurimit te Shtetit.
Kryetarja e Kuvendit, Lindita Nikolla reagoi sot në një konferencë për shtyp në lidhje me letrën informuese nga ana e Autoritetit të Dosjeve, ku vihej në dijeni se politikani me inicialet I.M figuron me dosje në aktivitetin e Sigurimit të Shtetit.
Nikolla u shpreh se, “AIDSSH ka dërguar një letër në drejtimin tim ku më vë në dijeni të identitetit të këtij politikani me profil të lartë dhe kërkon nga Kuvendi ndërhyrje të menjëhershme për adresimin e një pengese ligjore që nuk ia mundëson Autoritetit veprimet e domosdoshme për rastin”.
“Rasti është tronditës dhe Kuvendi duhet të reagojë patjetër. Prandaj kam thirrur sot kryetarët e grupeve parlamentare, kryetarët e Komisionit të Sigurisë dhe Ligjeve, të cilët i kam informuar mbi letrën e Autoritetit, identitetin e politikanit me inicialet I.M. Si dhe gatishmërinë time për ta mbledhur Kuvendin në çdo kohë që forcat politike do të kenë nevojë”, u shpreh Nikolla.
“Dua të falënderoj Autoritetin e Dosjeve për reagimin e drejtë të pavarur dhe profesional si dhe për kurajën në adresimin e këtij rasti, i cili ngre pyetje të rëndësishme për shoqërinë tonë dhe për forcat politike. Në respekt të ligjit dhe të ndjeshmërisë së lartë të këtij rasti vërtetë tronditës nuk mund të flas më shumë në këtë fazë”, theksoi Nikolla.
Pas kësaj lëvizje të kryetares së Kuvendit, vete Ilir Meta ka reaguar ashpër ndaj letrës së Autoritetit të Dosjeve të ish-Sigurimit të Shtetit që i dërgoi Kuvendit ku përfshihej emri i ish-Presidentit.
Në një konferencë për mediat nga selia e Partisë së Lirisë, Meta e konsideron si një sulm që është bërë ndaj tij për të fshehur aferën e inceneratorëve.
Kjo është vetëm për të ardhur keq për Autoritetin të manipulimit dhe kriminalizimit të Dosjeve se ata e dinë më mirë se kushdo që cfarë ka sa e vërtetë e sa e manipuluar është në ato dosje që thonë ata.
Me një email anonim elektronik që jam i sigurt kur të bëhet publikë do gajaseni të gjithë na qenka zbuluar se na qenka një I.M që sipas lojërave e aludimeve nga shkresa e autoritetet e tani na parlamenti, u zbulua pas 30 e ca vitesh I.M qenka ky njeri qe ne mars 92 eshte bere deputet e i eshte nenshtruar te gjitha filtrave te te gjitha koherave”, tha Meta.
Meta tha se Lindita Nikolla përdoret në Kuvend nga kryeministri Edi Rama.
“U zbulua që pas 30 vitesh, I.M. qenka ky njeri i cili që në mars të 92 është bërë deputet dhe i është nënshtruar filtrave të të gjitha kohëve. Që nga koha e zotit Berisha, që nuk kaloi gjysma e partisë që ishte atëherë. Pse bëhet kjo? Çfarë i kushtonte këtij autoritetit që qenka shqetësuar të thërriste I.M. Unë nuk jam as President, nuk jam as deputet që të kem ndonjë detyyrim tek parlamenti. Pse duhet bërë një ligj i posaçëm për këtë I.M. për ata që nuk kanë pasur mundësinë të verifikojnë. U ngrit parlamenti në këmbë. Cili parlament, parlamenti me në krye zonja Nikolla, apo Lindita e Ramës që përdoret për të hequr vëmendjen nga inceneratorët ku do përvëlohen të gjithë. Të jenë të sigurt për këtë. Nga të gjitha aferat e tjera të zeza përfshirë edhe çështjen e detit. Për këtë nuk mblidhet Parlamenti. Është një parlament patronazhistët dhe i korruptuar. Është një opozitë plot me lulushë por qenka shqetësuar se ka ardhur një letër dhe këta me vrap dhe urgjencë të madhe”, theksoi Meta
Unë në atë kohë kam qenë vetëm sekretar i rinisë së Fakultetit të Ekonomisë i zgjedhur që në vitin e dytë se isha pothuajse me të gjitha dhjeta po dhe kisha aftësi si lider që atëherë e bëja organizime e kjo ishte merita ime kryesore.
Autoriteti i manipulimit dhe kriminalizimit te dosjeve ka nje përgjegjesi të madhe se për nevoja personale të Ramës shkatërron përfundimisht besimin e tij në publik e krijon shqetësime te shumë njerëz që në të kaluarën kanë bërë një gabim e janë prekur e tani mund t’u dalin emrat që kanë fëmijë, kanë krijuar familje e ky është përgjegjësi e Autoritetit të Dosjeve.
Ndërsa më vonë ka ardhur një reagim zyrtar edhe nga Partia e Lirisë
Reagimi i Partisë së Lirisë
Sekretarja për Marrëdhënien me Publikun në Partinë e Lirisë, Silva Caka u shpreh sot në një deklaratë për mediet se “kryetari i Partisë së Lirisë, Ilir Rexhep Meta nuk ka asnjë lidhje me shtetasin I.M”.
“Lidhur me vendimin 227, datë 17.5.2022, të Autoritetit të Dosjeve, të publikuar sot në media, konfirmojmë zyrtarisht se kryetari i Partisë së Lirisë, Ilir Rexhep Meta nuk i është drejtuar kurrë Autoritetit të Dosjeve me asnjë kërkesë për informim”, tha Caka.
“Autoriteti i Dosjeve nuk i ka vendosur kurrë në dispozicion me kërkesë të tij, Ilir Rexhep Meta një dosje të ish-Sigurimit për shtetasin I.M”, u shpreh Caka.
“Vendimi i Autoritetit të Dosjeve, siç rezulton nga vendimi i është dorëzuar shtetasit I.M, që e ka kërkuar, në një “datë historike”, 17 majin e martesës Rama-Basha, por kurrë Ilir Rexhep Meta”, theksoi Caka.
“Ky vendim provon se kryetari i Partisë së Lirisë, Ilir Rexhep Meta nuk ka asnjë lidhje me shtetasin I.M”, nënvizoi Caka.
“I bëjmë thirrje Autoritetit të Dosjeve, që me një e-mail anonim justifikon këtë lojë të pështirë institucionale, politike dhe mediatike, kur e di shumë mirë brendinë e dosjes dhe pasojat e saj, të sqarojë menjëherë kush është shtetasi I.M”, përfundoi Caka.
/Argumentum.al