Rusia është bërë vendi i parë në botë që regjistroi një vaksinë COVID-19, e cila u quajt Sputnik V. Vaksina u zhvillua nga Instituti Gamaleya dhe aktualisht po kalon provat e fazës III.
Bjellorusia do të bëhet vendi i parë që do të marrë vaksinën ruse Sputnik V kundër koronavirusit, njoftoi shërbimi për shtyp për Presidentin Lukashenko duke cituar bisedën e tij telefonike me Presidentin Putin, raportojne mediat ruse.
“Të dy presidentët ranë dakord që qytetarët e Bjellorusisë do të marrin pjesë vullnetarisht në fazën III provat e vaksinës. Kështu Bjellorusia do të bëhet vendi i parë që importon vaksinën ruse”, tha shërbimi për shtyp.
Sputnik V është vaksina e parë në botë kundër koronavirusit.
Zhvilluar nga Instituti i Kërkimeve Gamaleya me bazë në Moskë dhe Ministria e Mbrojtjes Ruse, vaksina u regjistrua zyrtarisht nga qeveria ruse në 11 gusht.
Faza III e vaksinës, ku përfshihen rreth 2,000 njerëz, aktualisht është duke u zhvilluar.
Ministria ruse e Shëndetësisë ka thënë që Sputnik V i është nënshtruar të gjitha kontrollet e nevojshme dhe është vërtetuar se është në gjendje të ndërtojë imunitet kundër virusit.
Sipas Fondit Ruse të Investimeve Direkte, ajo ka marrë aplikime nga më shumë se 20 vende për blerjen e rreth një miliardë doza të vaksinës. Rusia ka kontraktuar prodhimin e vaksinës në pesë vende, me kapacitetin e pritur për të prodhuar 500 milion doza në vit.
Përshtati në shqip: argumentum.al
