Dokumentari televiziv “Mos u ndal, mos u tërhiq”, i prodhuar bashkërisht nga Departamenti i Publicitetit i Komisionit Qendror për Kontrollin e Disiplinës dhe Komisioni Kombëtar i Mbikëqyrjes i Kinës dhe CMG-ja, do të transmetohet në CCTV-1 në orën 8 të mbrëmjes nga 11 deri më 14 janar, me transmetim të njëkohshëm në platformat e mediave të reja.
Antikorrupsioni është vetërevolucioni më i plotë. Në epokën e re dhe në udhëtimin e ri, Komiteti Qendror i PKK-së me Xi Jinping-un në krye, me një shkallë të lartë vetëdijeje revolucionare dhe një ndjenjë misioni “më mirë të ofendohen disa mijë, se të zhgënjehen 1.4 miliard njerëz”, po përparon qeverisjen gjithëpërfshirëse e të rreptë të PKK-së dhe luftën kundër korrupsionit. Dokumentari demonstron plotësisht angazhimin e palëkundur të organeve të kontrollit dhe mbikëqyrjes së disiplinës, përkushtimin e tyre të palëkundur ndaj një orientimi vlerash të përqendruar te njerëzit, përpjekjet e tyre të vazhdueshme në përparimin e sjelljes së PKK-së dhe forcimin e integritetit e luftën kundër korrupsionit, këmbënguljen e tyre për të hetuar dhe trajtuar njëkohësisht si sjelljet e këqija, ashtu edhe korrupsionin, korrigjimin e thellë të sjelljeve të këqija e korrupsionit që prekin njerëzit, ndëshkimin e ashpër të korrupsionit që përfshin bashkëpunimin midis qeverisë e biznesit, eliminimin e vendosur të burimit të ndotjes së ekosistemit politik dhe përdorimin e teknologjisë për të fuqizuar luftën kundër korrupsionit e sjelljeve të këqija. Këto organe janë përpjekur të zhdukin terrenin dhe kushtet që nxisin korrupsionin, duke promovuar vazhdimisht zhvillimin me cilësi të lartë dhe arritjen e progresit e të rezultateve të reja në punën e kontrollit dhe mbikëqyrjes së disiplinës.
Dokumentari përzgjedh 12 raste, që përmblidhen në katër episode: “Ndreqja e sjelljes së keqe dhe çrregullimit qeverisës për popullin”, “Ndëshkimi i rreptë i korrupsionit që përfshin bashkëpunimin midis qeverisë dhe biznesit”, “Pastrimi i burimit të ndotjes së ekosistemit politik” dhe “Teknologjia fuqizon antikorrupsionin”, duke reflektuar thellësisht se si organet e kontrollit dhe mbikëqyrjes së disiplinës përparojnë pa pushim dhe pa kompromis qasjen e integruar të bërjes së zyrtarëve “të mos guxojnë, të mos munden dhe të mos duan të jenë të korruptuar”, duke luftuar me vendosmëri betejën e ashpër, të zgjatur dhe gjithëpërfshirëse kundër korrupsionit./cgtn
