Të premten në mbrëmje, u transmetua Galaja e Festës së Mesvjeshtës 2026 e Grupit Mediatik të Kinës (CMG).
Ky vit shënon 20-vjetorin e përfshirjes së Festës së Mesvjeshtës në grupin e parë të listës kombëtare të trashëgimive kulturore jomateriale. Në Gala, kultura e mesvjeshtës u integrua në tre kapituj: “Udhëtim me Hënën”, “Përqafimi i yjeve” dhe “Shkëlqimi i vjeshtës” duke shfaqur kulturën tradicionale folklorike të Festës së Mesvjeshtës me teknologji të larta.
Në Gala ishin të ftuar edhe këngëtarja britanike Sarah Brightman, violonçelistja kroate Ana Rucner dhe pianisti gjerman Oskar Roman Jezior, të cilët dhanë një shfaqje të shkëlqyer së bashku me artistët kinezë.
Galaja u transmetua drejtpërdrejt paralelisht në kanalet televizive, frekuencat radio dhe platformat e mediave të reja të CMG-së, si dhe në mediat kryesore të Australisë, Zelandës së Re, Emirateve të Bashkuara Arabe, Malajzisë, Filipineve, Kamboxhias, Sri-Lankës, Kenias, Kolumbisë, Hong-Kongut dhe Makaos.-cgtn
