Gjukanoviç: Qëllimi i 'Ballkanit të Hapur' është zhdukja e Bosnjë-Hercegovinës, Malit të Zi, Kosovës dhe Maqedonisë së Veriut

Presidenti i Malit të Zi, Milo Gjukanoviç, në një intervistë për portalin “Autonomija” tha se “Ballkanin e Hapur” e shikon si projekt “shumë kontrovers ” dhe skenar alternativ për të ardhmen e Ballkanit Perëndimor jashtë Bashkimit Evropian.

“Ne nuk kemi nevojë për këtë, ne kemi nevojë për anëtarësim në BE”, tha ai.

“Ata që nuk e shohin rajonin tonë në Evropë, nuk shohin as demokraci multietnike në Ballkan. Atyre u pëlqen ideja e ndryshimit të kufijve, homogjenizimi etnik dhe fetar brenda shteteve të zgjeruara. Si zakonisht, gjithçka fillon tradicionalisht nga pala serbe. , kësaj radhe ‘bota serbe’. Dhe ajo vazhdon automatikisht me të njëjtat zullume të mëdha shtetërore”, tha Gjukanoviq.

Ai vlerësoi se qëllimi i autorëve të idesë së Ballkanit të Hapur është zhdukja e Bosnjë-Hercegovinës, Malit të Zi, Kosovës dhe Maqedonisë së Veriut dhe shtoi se sigurisht që do të përfundonte me “luftë dhe njëfarë gjenocid”.

I pyetur për të komentuar deklaratën e kryeministrit të Malit të Zi, Dritan Abazoviq, i cili pas vizitës së tij në Beograd deklaroi se me atë “vizitë historike” arriti të “rivendos” marrëdhëniet mes dy vendeve, Gjukanoviq pyeti “nëse një, çdo vizitë, mund të rivendosë marrëdhëniet e kontaminuara për gati dy shekuj”.

Sipas tij, Serbia ka pasur një “rol hegjemonik” në Ballkanin Perëndimor për dy shekuj, i cili “është i mbështjellë në mënyrë transparente në shqetësimin e Beogradit zyrtar për kërcënimin e serbëve në rajon”.

/Argumentum.al