Ish-kryeministri Sali Berisha në konferencen e radhes për shtyp ka bërë të qartë njëherë e mirë qëndrimin e tij përballë SHBA-së, Partisë Demokratike dhe Shqiptarëve të gjitha lëvizjet e tij ligjore dhe politike.
Konsistent me deklaratat e tij të mëparshme, Z.Berisha ka theksuar së betejës me SHBA-të për dinjitet do ti shkoje deri në fund, kësaj radhe nuk po lufton vetëm për vete por për të gjithë shqiptarët që neser të mos hane “bar”.
I nxitur nga deklaratat e Ambasadores Amerikane në seline e Partisë Demokratike ditët më parë, dhe editorialin më të fundit ku sërish Ambasadorja Yuri Kim u bën thirrje liderit të Partisë Demokratike Lulzim Basha dhe Kryeministrit Rama për rishikim të listave të deputeve përpara legjislatures së re parlamentare, Z.Berisha ka bërë të ditur se “nuk ka asnjë force madhore” që mund ta pengoje atë të futet në parlament, pasi ky është vullnet i mijëra votuesve shqiptare që e kanë zgjedhur si deputet në zgjedhjet e 25 prillit 2021.
***
Ish-Kryeministri Berisha njoftoi sot në një konferencë për shtyp se avokati i tij ka depozituar në Gjykatën Korreksionale të Parisit padinë për shpifje ndaj Sekretarit të Shtetit Amerikan Antony Blinken. Siç ju kam njoftuar më parë se pas vendimit të Sekretarit të Shtetit Antony Blinken për të më shpallur ‘non grata’ pas keqinformimit nga Soros unë aktivizova avokatin time. Ai ka dorëzuar këtë padi pranë kësaj gjykate.
Sipas avokatit tim kjo padi bazohet në precedentë të mëparshëm dhe në parimin universal se ‘për shpifjen nuk ka imunitet’. Ajo bazohet edhe në parimin tjetër universal se ‘shpifja në internet dënohet kudo’. I bëj thirrje Sekretarit Blinken që në emër të transparencës të dërgojë pranë kësaj gjykate çdo provë që ai disponon kundër meje dhe familjes sime”, Berisha.
“I bëj thirrje Blinken në emër të transparencës të dërgojë pranë kësaj Gjykatë çdo fakt, dokument dhe provë që ai apo çdokush tjetër në botë disponon kundër Sali Berishës dhe familjarëve të tij.
Zonja dhe zotërinj dëshiroj t’iu informoj së parin se sot pas 77 vitesh jetë kjo është hera e parë që unë i drejtohem dhe nuk kisha imagjinuar se do të detyrohesha të ngrija padi ndaj sekretarit të një vendi që unë e dua kaq shumë. Së dyti në këtë padi dëshiroj të mbroj dinjitetin tim dhe së treti në këtë padi kërkoj të bëj transaprencë të plotë pata shqiptarëve që në 30 vite më kanë votuar më shumë se cilindo.
Megjithë kërkesën paraqitur në letrën time të datës 19 maj 2021 drejtuar sekretarit Blinken për të bërë publike çdo fakt dhe provë që ai disponon që të faktojë akuzat ndaj meje deri sot nuk është paraqitur asnjë e tillë, për shkakun e vetëm sepse ato nuk ekzistojnë.”
Me këtë padi kërkoj të bëj transparencë ndaj shqiptarëve dhe të provoj se ky vendim është fund e krye politikë, pa asnjë bazë. Me gjithë kërkesën e paraqitur drejtuar Blinken për të bërë publike cdo fakt që disponon, por edhe kërkesat e mediave që të faktojë akuzat ndaj meje, deri sot nuk është paraqitur se ato nuk ekzistojnë.
Kjo dëshmon se është shpifje. George Soros dhe Edi Rama, kjo është një shpifje nga ana e tyre, dhunimi i zgjedhjeve nga Edi Rama, lidhja me drogën, pasurinë e paligjshme dhe korrupsionin. Në veçanti, ky vendim është hakmarrje politike. Mungesa e transparencës fakton që është politikë. Unë nuk kam ngritur padi kundër hakmarrje politike, por kam ngritur padi për shpifje.
Në këtë planet nuk ekziston njeri apo institucion, shqiptar apo i huaj që fakton korrupsionin për Sali Berishën”,- tha ish-kryeministri.
Ish-kryeministri tha se çështja ndaj tij ka prapavijë qëndrimet kundër ndarjes së Kosovës dhe denoncimet e ndikimeve politike të George Soros në Shqipëri. Ai u shpreh se kjo padi ndaj Blinken “është padi për dinjitetin njerëzor” dhe kundër “diktatit të barit”.
Lidhur me deklaratat e Ambasadores Yuri Kim, e cila ka kërkuar distancimin e PD-së nga Berisha, ai këmbënguli se do të jetë në parlament si deputet demokrat.
Duke e kritikuar ambasadoren e cila i bëri thirrje Partisë Demokratike “ mos hani bar”, Z.Berisha e krahasoi me diktatin(diktaturen apo diktati si një urdhër ose dekret i imponuar nga dikush në pushtet pa pëlqimin e popullit).
“Diktati dhe bari janë binom i paparë” tha Berisha, duke nënkuptuar se Ambasadorja Yuri Kim po sillet si në diktature duke imponuar urdhëra dhe vendime ndaj Partisë Demokratike
“Ambasadorja Kim është unike në botë. Pasi ka lavdëruar një masakër zgjedhore kërkon tani t’i diktojë këtij vendi se kush duhet dhe kush nuk duhet të futet në Parlament. Ajo qëndrimin e saj e lidhi me dogmën e barit ko rastësisht. Ajo është njeri i shkolluar mirë dhe e ka lexuar edhe Enver Hoxhën, edhe Lincoln, edhe Kim Yong Un etj. Diktati dhe bari janë binom i paparë. Shqiptarët e dinë mirë që në diktaturë kur njerëzit për dramën e tyre i kishin deleguar Hoxhës kanë ngrënë bar dhe kanë vdekur nga bari. Unë po bëj gjithçka që shqiptarët të mos hanë bar. Unë nuk po ofroj bari por transparencë. Unë nuk mbrohem nga imuniteti, sovraniteti apo Kushtetuta por unë nuk pranoj që në diktat t’i shkel ato. Dhe rruga e vetme për t’i mbrojtur ato është transparenca. Nuk ka forcë në botë, përveç Zotit që më pengon mua pa e ushtruar misionin tim të dhënë nga zgjedhësit shqiptarë. Mesa di unë kreu i PD kia kërkuar të njëjtën gjë, transparencë”, tha Berisha.
Ish-kryeministri Sali Berisha ka komentuar gjithashtu deklaratat e ambasadores amerikane, Yuri Kim, për një bashkëqeverisje të mundshme mes Edi Ramës dhe Lulzim Bashës në shtator, duke thënë se kjo do të ishte drama më e madhe për Shqipërinë dhe shqiptarët.
Berisha u shpreh kategorikisht kundër një bashkëpunimi të tillë, duke thënë se opozita është shpresë për përmbysjen e narkoshtetit dhe nuk mund të shndërrohet në levë të narkoshtetit.
Kategorikisht kundër. Do të ishte drama më e madhe e Shqipërisë dhe shqiptarëve që opozita, e cila është shpresë për përmbysjen e narkoshtetit, të shndërrohet në levë të narkoshtetit. Jam i bindur se janë shumë të paktë, ose ndoshta askush nga demokratë, që e duan, por bashkëpunimin që iu referua zonja Kim mund të jetë, por edhe jo, për bashkëqeverisje”, tha Berisha.
“Deklarata që ka bërë Kim ka qenë deklarata më skandaloze e bërë nga një ambasadore në 30 vitet e fundit”, tha Berisha.
Ish-kryeministri Sali Berisha tha se i ka kërkuar Kim që të kërkojë falje për komentet që ka bërë.
“Mendoj se PD do t’i kërkojë znj. Kim të kërkojë ndjesë publikisht dhe pa asnjë diskutim ajo mbetet e hapur për bashkëpunim me gjithë partnerët. Bashkëpunimi do të thotë bashkëpunim.”- tha Berisha.
Ish-kryeministri Sali Berisha akuzoi drejperdrejte miliarderin George Soros, në konferencën për shtyp. Ai tha se Soros qëndron pas projektit për ndarjen e Kosovës, por mbi të gjitha ai qëndron pas nismës për të kapur drejtësinë në Shqipëri.
Berisha tha se reforma në drejtësi ka dështuar dhe epilogu i saj ishte marrëveshja mes KLGJ-së dhe ish-partneres së Edi Ramës, Dalina Fico. Berisha deklaroi sot se reforma në drejtësi ka dështuar, pavarësisht se ambasadorja Yuri Kim po përpiqet të promovojë si sukses reformën e George Soros.
