Genc Mlloja*
Qyteti i Elbasanit po përjeton këto ditë trishtim jo nga plumbi dhe gjaku i krimit të pandalshëm rrugëve nga bandat ndër më famëkeqe në Shqipëri, por se ia kanë zhveshur numrin 2 të Komisariatit Anisa Kostanin.
Të premten solemnisht Kryepolici Gledis Nano ia hoqi Zj. Kostani kostumin e policiotes dhe ia la në dorë AMP-se që ta hetoje në gjendje të lirë dhe me veshjen e saj civile, e cila sikurse e ka shplalosur ajo vetë në rrjetet sociale vazhdimisht, është kostum si një gjethe fiku…
Kryepolici Nano u detyrua me dhimbje të bëjë këtë zhveshje nga detyra në këto ditë gushti furre të nxehta pasi kolegia e tij Kostani përmes një postimi në rrjetet sociale ofendoi dhe fyeu gazetarët në lidhje me raportimet e tyre mbi vrasjen e Madrit Ulqinakut në Elbasan nga 18-vjeçari Horgito Peqin këto dite.
Normale që e ‘bukura police’ me kobure në ( .. ) ka gjet mbështetjen e kolegëve por edhe të disa ish- policeve të lartë sepse iu kanë prekur ‘yllin e bukur’ pa aromë të keqe djerse, përkundrazi ata ndiejnë akoma në shqisat e tyre aromën policiote të ‘Kostani parfum’ të përzier me barutin e saj në përleshje me oligarket, kryebanditet e Elbasanit e më tej.
Kolege e ish- kolege të miss policiotes ia dinë edhe peshën – nuk është 30 kile mbi peshë, e njofton me kompetence një ish-funksionar i lartë në Ministrinë e Brendshme. E fotot e saj gati nudo në jahte duhet të merren si operacione speciale anti- drogë e kundër trafikimit të qenieve njerëzore për prostitucion.
Z/komisarja e dashuruar edhe me gjarpërinjtë ndoshta ka mbrojtjen edhe të këtyre të fundit që mbase kanë qenë pjesë e ‘pajisjeve’ në platformen e punës së Komisariatit të Elbasanit.
Opinionit publik e një pjesë të medias të anatemuar prej saj dhe nga idhtare të parfumosur nga aroma e saj, ju ka bërë përshtypje karagjozja policiote se është larg mendesh që ajo të jetë ‘shpiponjë’ në mbrojtje të rendit publik ndaj krimit të frikshëm në Elbasan e tërë Shqipërinë. Uniformës së saj blu të fortë po i del boja për ditë e më shumë e kjo tipe z/komisare
nuk duhet të ishte veshur me atë kostum emblemë e ruajtjes së rendit e luftës ndaj krimit.
Rasti Konstani është pjesë e alarmit që ajo, ai, ata – një sekt i tillë i rrezikshëm policiotesh pjesë e kësaj qeverisje, duhet ti paraqiten fëmijëve, rinisë e tërë shoqërisë si janë në të vërtetë, ti shikojnë në lakuriqësinë e tyre në mendje e veprime, e të kuptojnë se ata nuk janë mburoja e rendit publik e qetësisë sociale.
*Marrë nga rrjeti social Facebook i autorit
