Ministri i Drejtësisë së Kosovës Selim Selimi dhe Ministrja e Punëve të Punëve të Jashtme, Meliza Haradinaj-Stublla gjatë qëndrimit në SHBA, kanë takuar Zëvendës-ndihmës Sekretarin e Shtetit për Çështjet Evropiane dhe të Euroazisë, Matthew Palmer.
Ky takim u zhvillua në kuadër të intensifikimit të agjendës shtetërore të Kosovës në përafrimin e vendit me familjen euro-atlantike.
Përmes një postimi në Faceebook, Selimi shkruan se pa bashkërendim dhe garanci të SHBA-ve, është e vështirë arritja e çfarëdo marrëveshjeje të qëndrueshme.
Postimi i ministrit Selimi në Facebook
Kosova është e vendosur në avancimin e marrëdhënieve speciale dhe miqësisë së përhershme me ShBA-në dhe gjithnjë besnike ndaj interesave strategjike të shtetit mik.
Sot në Washington, bashkë me Ministren e Punëve të Jashtme dhe Diasporë, Meliza Haradinaj-Stublla, takim përmbajtësor me Zëvendës Ndihmës Sekretarin e Shtetit për Çështjet Europiane dhe të Euroazisë, Matthew Palmer, për intensifikimin e agjendës shtetërore të Kosovës në përafrimin e vendit tonë me familjen euro-atlantike, progresin në fuqizimin e sundimit të ligjit dhe hapjen e një dinamike të re për arritjen e marrëveshjes gjithëpërfshirëse ligjërisht obliguese me njohje në kufijtë ekzistues ndërmjet Kosovës dhe Serbisë.
Pa bashkërëndim dhe garancë të Amerikës, është e vështirë arritja e çfarëdo marrëveshjeje të qëndrueshme. Roli aktiv dhe mbështetja e ShBA-së, si aleate strategjike jona, është e pazëvendësueshme për të mbyllur të gjitha çështjet e hapura me Serbinë.
