Marrëveshja për lirimin e pengjeve dhe armëpushimin është në prag të dështimit dhe nuk ka asnjë skemë alternative që mund të parashtrohet në vend të saj, thanë dy zyrtarë të lartë amerikanë dhe dy izraelitë për ”Politico”.
“Ne nuk e dimë nëse Yahya Sinwar, kryetar i Byrosë Politike të Hamasit që nga gushti 2024, e dëshiron marrëveshjen. Nëse ai nuk e dëshiron atë, ekziston mundësia që Irani të sulmojë dhe situata të përshkallëzohet”, tha një prej tyre.
Ndërsa Shtetet e Bashkuara të Amerikës po shtyjnë për një samit në Kajro të premten, një zyrtar izraelit tha se “nuk është aspak e sigurt që do të ketë një samit. Nëse do të kishte, nuk do të kishte asgjë për të folur për sa kohë që Izraeli qëndron në këmbë”.
Khalil el-Moqdah, vëllai i Mounir el-Moqdah, një komandant i brigadave të martirëve ‘’al-Aksa’’, krahu i armatosur i Fatahut palestinez, u vra në një sulm izraelit me dron në Sidon, sipas gazetës ‘’L’Orient le Jour’’.
Vëllai i tij Mounir është një nga udhëheqësit palestinezë të Fatahut në Liban.
Ai është akuzuar vazhdimisht nga Izraeli për kontrabandë armësh për brigadat e martirëve ‘’al-Aksa’’ në Bregun Perëndimor të pushtuar.
“Hezbollahu gjuajti 50 raketa këtë mëngjes në qendër të qytetit të Katzrin. Hezbollah gjuan pa dallim mbi civilët izraelitë. Si çdo vend që mbron qytetarët e tij, ne do të veprojmë në përputhje me rrethanat”, tha zëdhënësi i ushtrisë Daniel Hagari në X.
Ndërkohë, mediat libaneze raportojnë për një sulm nga një dron izraelit në një automjet në kampin e refugjatëve palestinezë të Mieh Mieh, pranë qytetit bregdetar të Sidonit.
IDF nuk ka dhënë ende asnjë deklaratë.
Ushtria izraelite vazhdon të operojë në zonën Rafah, në jug të Rripit të Gazës dhe në 24 orët e fundit ka eliminuar dhjetëra terroristë, duke shkatërruar infrastrukturën dhe duke identifikuar armë të shumta.
Zëdhënësi i IDF-së, i cili e njoftoi këtë, shtoi se Forcat Ajrore izraelite goditën rreth 30 objektiva terroristë në Rrip, duke përfshirë pozicionet e nisjes dhe vëzhgimit.
Për muaj të tërë, administrata Biden është përpjekur t’i trajtojë bisedimet për Gazën dhe kufirin verior veçmas, duke caktuar të dërguar të ndryshëm kryesorë dhe negociatorë. Por zyrtarët amerikanë gjithnjë e më shumë besojnë se nëse mund të gjejnë një marrëveshje në Gaza, ata mund të negociojnë një platformë për konfliktin midis Izraelit dhe Hezbollahut.
Nëse të dy konfliktet vazhdojnë, gjasat rriten që Teherani, i cili ka sinjalizuar prej javësh se po përgatitet të sulmojë Izraelin, do të vazhdojë me kërcënimet e tij. Një goditje masive brenda Izraelit do të ishte e vështirë për Jerusalemin të injorohej, duke e vendosur shtetin për konfrontim të drejtpërdrejtë midis dy vendeve.
“Ky është padyshim shqetësimi më i madh këtu dhe diçka që ne jemi përpjekur ta shmangim që nga 7 tetori,” tha një zyrtar amerikan. “Por shanset që kjo të ndodhë rriten ndjeshëm nëse Hamasi nuk pajtohet me këtë propozim.”
/Marrë me shkurtime nga “Politico“
Përshtati në shqip: Argumentum.al
