Kryeministri shqiptar Edi Rama dhe ai i Malit të Zi Dritan Abazoviç, nisën sot një vizitë në Ukrainë. Ata shkuan fillimisht në zonat e bombarduara të Borodyankas dhe Irpinit, ndërsa më pas vizituan dhe ekspozitën me dëshmi të pasojave që ka shkaktuar sulmi rus mbi Ukrainën. Gjatë vizitës të dy kryeministrat u takuan dhe me presidentin ukrainas Volodymyr Zelenskyy Takimin mes tyre, përmes një lidhjeje video, e përshëndeti dhe kryeministri i Maqedonisë së Veriut.
Kryeministrat e të dy vendeve ballkanike mbërritën në Kiev në orët e para të ditës, pas një udhëtimi të gjatë me tren nga Polonia. Të shoqëruar nga autoritetet vendase, zoti Rama dhe Abazoviç e nisën vizitën e tyre duke parë nga afër pasojat shkatërrimtare të luftës së nisur nga Rusia në Borodyanka dhe Irpin, zona të cilat ishin ndër të parat që u bombarduan dhe ku është deklaruar një numër i lartë civilësh të vrarë e të gjetur nën rrënoja, përfshirë dhe fëmijë. Edhe pamjet e shpërndara nga zyra e kryeministrit shqiptar, dëshmojnë lehtësisht dëmet e mëdha në banesa e pallate të rrënuara.
Zoti Rama dhe homologu i tij i Malit të zi, Abazoviç, vizituan më pas një ekspozitë me dëshmitë e agresionit rus në Ukrainë. Në fund të saj, në librin e përshtypjeve kryeministri Rama do të shkruante se “bota duhet ta ndalë këtë horror dhe Ukraina të dalë e rilindur nga kjo”.
Presidentit Zelenski, ka falënderuar Abazovic dhe Ramën për ardhjen e tyre dhe mbështetjen e hapur që i kanë dhënë Ukrainës nga të dy vendet.
Presidenti i Ukrainës, Volodimir Zelenski ka mbajtur në konferencë të përbashkët për mediat me kryeministrin e Shqipërisë, Edi Rama dhe kryeministrin e Malit të Zi, Dritan Abazoviç.
Zelenski thotë se Shqipëria, Mali i Zi dhe Maqedonia e Veriut mbështesin marrjen e statusit të vendit kandidat për hyrje në BE të Ukrainës.
“Në rrugën evropiane, vendet tona nuk janë garuese me njëra-tjetrën”, deklaroi presidenti ukrainas duke falenderuar Ramën dhe Abazoviç për vizitën në Kiev.
Kryeministri Edi Rama deklaroi se Shqipëria së bashku me Malin e Zi dhe Maqedoninë e Verriut, do të ndërtojnë një bllok banesash në qytetin e Irpin në Ukrainë, e cila është dëmtuar nga lufta.
Deklaratën, kreu i qeverisë shqiptare e dha këtë të mërkurë nga Kievi, në konferencën e përbashkët për shtyp me presidentin ukrainas, Volodimir Zeleski dhe kryeministri i Malit të Zi, Dritan Abazoviç.
“Sot patëm mundësinë të shohim nga shumë pranë Irpinin dhe jam vërtet i lumtur që ratë dakord me propozimin tonë, për të bashkuar përpjekjet dhe për të ndëruar një bllok secili prej vendeve, ndërtesën e tij për familjet dhe fëmijët e Irpinit. E di që Bashkimi Europian dhe shumë të tjerë janë pjesë e kësaj përpjekje, por le ta bëjmë në mënyrë ballkanike, pa burokraci”, tha Rama.
Ndër të tjera, Rama shtoi se Shqipëria mbështet kërkesën e Ukrainës për dhënien e statusit kandidat nga Bashkimi Europian, ndonëse nënvizoi se është i pakënaqur me procesin e integrimit të Shqipërisë
Shprehim mbështetjen e plotë të idesë suaj dhe kërkesës suaj që Bashkimi Europian t’i japë Ukrainës statusit e vendit kandiat. Natyrisht. ne nuk jemi të kënaqur me BE-në, por jemi të angazhuar ndaj rrugëtimit europian për shkak të së ardhmes së brezave të ardhshëm. E kuptojmë plotësisht këtë kërkesë të Ukrainës dhe keni mbështetjen tonë për këtë.
Rama u shpreh se Shqipëria është e privilegjuar që si anëtare e përkohshme e Këshillit të Sigurimit në Organizatën e Kombeve të Bashkuara, t’i japë zë tryezës për shqetësimet dhe kërkesat e popullit ukrainas.
Abazovic tha se Mali i Zi do të vazhdojë të ndihmojë Ukrainën, duke theksuar se Mali i Zi, si lider në integrimet evropiane, mbështet vendosmërinë e Ukrainës për të parë të ardhmen e saj në të njëjtin drejtim.
Abazovic tha se ai i përcolli mesazhin Zelenskit se Mali i Zi mbështet fuqishëm integrimin e Ukrainës në BE dhe se është i gatshëm të mbështesë Ukrainën si ushtarakisht ashtu edhe financiarisht.
Abazovic mbështeti fuqishëm Ukrainën në Kiev dhe njoftoi se Mali i Zi do ta ndihmonte atë vend në përputhje me aftësitë e tij.
Në bisedë përmes video-lidhjes iu bashkua edhe presidenti i Republikës së Maqedonisë së Veriut, Dimitar Kovaçevski.
Tre liderët e vendeve të Ballkanit Perëndimor, të cilat janë anëtare të Aleancës, miratuan një Deklaratë të Përbashkët në të cilën mbështetën Ukrainën për të marrë statusin e kandidatit për anëtarësim në Bashkimin Evropian.
“Në deklaratë thuhet se në Samitin e ardhshëm të BE-së është e nevojshme të merren vendime politikisht të guximshme për të gjitha vendet tona në rrugën evropiane për paqe, stabilitet dhe prosperitet. Gjatë takimit, kryeministri Abazovic theksoi se ishte i nderuar t’i përgjigjej Presidentit Zelensky. thirrje dhe mbështetje “Kryeministri shfrytëzoi rastin për të dënuar njëkohësisht agresionin rus dhe për të shprehur keqardhjen për vuajtjet dhe vuajtjet e qytetarëve të Ukrainës”, tha qeveria në një deklaratë.
Shqipëria ishte ndër vendet e para që dënoi agresionin rus në Ukrainë. Ajo, sikundër nga ana e vet dhe Mali i zi, i janë bashkuar sanskioneve ndaj Rusisë. Edhe vizita e sotme ishte shenjë e qartë e mbeshtetjes ndaj Ukrainës.
Shqipëria ishte gjithashtu pjesë e konferencës së donatorëve për këtë vend, duke ofruar 1 milion euro, ndërkohë që ka dhënë ndihma dhe në ushqime e materiale ushtarake.
Vizita e sotme në Ukrainë vjen në në një moment kur Shqipëria kryeson Këshillin e Sigurimit të OKB-së, ku njëkohësisht ajo është dhe penë-mbajtëse, së bashku me Shtetet e Bashkuara, për çështjen e Ukrainës, duke qenë kështu nismëtare dhe e rezolutave që dënojnë agresionin rus.
Kryeministrat Rama dhe Abazoviç, u pritën sot në Kiev dhe nga presidenti i Ukrainës Volodymyr Zelenskyy. Takimin mes tyre, përmes një lidhjeje video, e përshëndeti dhe kryeministri i Maqedonisë së Veriut.
Në fillim të muajit maj, po përmes një lidhjeje video, presidenti Zelenskyy mbajti një fjalim drejtuar parlamentit shqiptar, duke falenderuar Shqipërinë për ndihmën e ofruar dhe qëndrimet e mbajtura prej saj.
Kryeministrat Rama dhe Abazoviç, u pritën më pas dhe nga kryeministri ukrainas Denys Shmyhal. Dhe brenda godinës ku u zhvillua takimi dukeshin qartë shenjat e një situate lufte, me thasë dheu që krijonin llogore nëpër korridoret e saj.
/Argumentum.al
