Ministri i Shtetit për Mbrojtjen e Sipërmarrjes, në një postim në rrjetet sociale ka lajmëruar për një iniciativë të qeverisë e cila pritet të nis procesin për rikualifikimin e hyrjes së Shkodrës. Zj. Bilali nuk e ka e ndaluar gëzimin për të ndarë me shkodranën, por gjithë shqiptarët lajmin që prek direkt apo indirekt çdo banor të këtij qyteti.
“Me mbështetjen e plotë të Kryeministrit, kam kohë që punoj për të shtyrë institucionet e linjës dhe aktorët përkatës për të bërë realitet projektin e rikualifikimit të hyrjes së Shkodrës.” shkruan Znj. Bilali.
Përpjekja ka nisur që pas fushatës me shpalosjen e vizionit të kryeministrit Rama, për të transformuar Shkodren. Gjatë një takimi në Tiranë, me përfaqësues të studios “Casanova Hernandes”, që mban firmën e ndërtimit dhe ndërhyrjeve arkitekturore në Shkodër si në sheshin e lagjes së vjetër të Shirokës apo tek Muzeu Kombëtar i Fotografisë Marubi. Në fotografit që janë publikuar në rrjete sociale vihet re edhe ide-projekti i rikualifikimit të hyrjes së Shkodrës.
“Ajo çfarë pashë sot është koncepti i plotë i cili sigurisht do të dojë kohën e vet për tu zhvilluar dhe zbatimi do të bëhet me faza, por çdo copëz që do të preket do ti sjellë Shkodrës vlerë të shtuar prone, më shumë të ardhura e më shumë mjedise rekreacioni për fëmijët e të rinjtë.” thekson zj. Bilali.
Ashtu siç edhe cilëson drejtuesja politike e Qarkut Shkodër, deputetja e PS-së dhe Ministri i Shtetit për Mbrojtjen e Sipërmarrjes zj. Edona Bilali, ndër të tjera shkruan se ky është një rrugëtim që padyshim është projekti më madhor i këtij mandati për Shkodrën, kjo një sfidë që për zj. Bilali iu bashkua politikës, për të kthyer Shkodrën në majë, motivim për të vijuar më tej.
/Argumentum.al