Në prag të pjesëmarrjes së presidentit kinez Xi Jinping në Takimin e 32-të të Liderëve Ekonomikë të APEC-ut në Gyeongju të Koresë së Jugut dhe vizitës së tij shtetërore në këtë vend, në Pekin u mbajt ditët e fundit Dialogu mbi Qeverisjen Globale dhe Begatinë e Përbashkët të Azi-Paqësorit.
Foto nga CMG
Drejtori i CMG-së Shen Haixiong u shpreh në këtë veprimtari se presidenti Xi Jinping ka deklaruar që “zhvillimi është një temë e përjetshme në rajonin e Azi-Paqësorit”. Në një pikë kritike të qeverisjes globale, kur progresi është i pashmangshëm, Kina, duke u mbështetur në mençurinë lindore, ka nxitur me të gjitha forcat ndërtimin e një bashkësie me të ardhme të përbashkët të njerëzimit. Kina ka punuar së bashku me ekonomitë e Azi-Paqësorit për t’u përballur me sfidat, për të kërkuar inovacionin dhe për të ndërtuar një “lokomotivë” që nxit globalizimin ekonomik dhe një botë shumëpolare, duke krijuar “Mrekullinë e Azi-Paqësorit” të njohur botërisht. Plenumi i 4-t i Komitetit të 20-të Qendror të Partisë Komuniste të Kinës, që sapo u mbyll në Pekin, ka tërhequr një vëmendje të gjerë. Plenumi përcaktoi kursin për zhvillimin me cilësi të lartë të Kinës gjatë pesë viteve të ardhshme, duke vendosur objektivat dhe drejtimet për t’u mbështetur mbi momentin e tanishëm dhe për të vazhduar përparimin e modernizimit të stilit kinez. Kjo pa dyshim do të krijojë më shumë mundësi për zhvillim të qëndrueshëm dhe begati të përbashkët në rajonin e Azi-Paqësorit. CMG-ja është e gatshme të punojë krah për krah me partnerët në vendet e Azi-Paqësorit për të thelluar bashkëpunimin, për të ndarë historitë e bashkëpunimit, për të inovuar e zgjeruar shkëmbimet njerëzore, për t’u angazhuar aktivisht në dialog e bashkëpunim, si edhe për të kontribuuar me mençuri dhe forcë në përparimin e qeverisjes globale, vuri në dukje z. Shen.
Foto nga CMG
Në këtë veprimtari u publikuan rezultatet e një sondazhi global të opinionit publik me titull “Azi-Paqësori i begatë, fuqia e Kinës”, të zhvilluar nga CGTN-i. 83.3 % e pjesëmarrësve në sondazh e vlerësuan pozitivisht rolin e APEC-ut si një platformë kyçe e bashkëpunimit ekonomik në rajonin e Azi-Paqësorit, kurse 83.4 % e çmuan lart rolin dhe kontributin e Kinës në promovimin e zhvillimit të qëndrueshëm brenda APEC-ut./CGTN
