Në shtator të këtij viti, 25 tonë arra pekan të prodhuara në rajonin Ica të Perusë u eksportuan për herë të parë drejt Kinës, duke shënuar hyrjen zyrtare të këtij produkti në tregun kinez.
Juan Carlos Santhome, kultivues arrash pekan:
Tregu më i madh në botë na ka hapur dyert, por kjo gjithashtu do të thotë se arrat pekan nga e gjithë bota do të hyjnë në të. Prandaj, për të pasur një vend në tregun kinez, ne duhet të ofrojmë produktin me cilësinë më të mirë.
Me përfshirjen e arrës pekan në listën tregtare, Peruja ka fituar mundësi të diversifikojë më tej rastet e biznesit të saj.
Gabriel Amaro, Kryetar i Shoqatës së Prodhuesve Bujqësorë të Perusë:
Në aspektin teknik kemi arritur standardet më të larta dhe kemi hyrë me sukses në tregun kinez të arrës pekan. Varietetet tona janë shumë të kërkuara, veçanërisht ai “Mahan”, i cili vlerësohet për bërthamën e plotë dhe shijen e shkëlqyer.
Kohët e fundit, eksportet bujqësore të Perusë janë goditur rëndë nga politikat doganore të SHBA-së, ndaj Peruja ka nevojë urgjente për tregje të mëdha si Kina. Hapja zyrtare e Portit Çankaj gjatë Samitit të APEC 2024, ka shkurtuar ndjeshëm kohën e transportit detar midis Kinës dhe Perusë, duke krijuar kushte dhe lehtësi për forcimin e lidhjeve tregtare dhe bashkëpunimin me përfitime të ndërsjella.
Dina Boluarte, Presidente e Perusë:
Unë besoj se Kina luan një rol të rëndësishëm në marrëdhëniet ekonomike midis 21 ekonomive të APEC-ut. Pa dyshim, Kina ka një rol udhëheqës në këtë organizatë. Për shembull, Porti Çankaj është një shembull konkret i kontributit aktiv të Kinës në rajonin e Paqësorit.
Në Gyeongju të Koresë së Jugut u mbajt Takimi i 32-të Jozyrtar i Liderëve të APEC. Si një organizatë rajonale që përfshin 21 ekonomi, gjatë më shumë se 30 viteve të ekzistencës, APEC është zhvilluar në mekanizmin më të lartë, më të gjerë dhe më me ndikim të bashkëpunimit ekonomik në rajonin e Azi-Paqësorit, duke luajtur një rol të rëndësishëm në thellimin e integrimit ekonomik rajonal dhe në drejtimin e globalizimit ekonomik.
Dr. Enriko Ceko, Drejtor Ekzekutiv i Qendrës Shqiptare për Zhvillim të Qëndrueshëm:
Ruajtja dhe forcimi i mekanizmave të dialogut midis anëtarëve, ka rëndësi të madhe jo vetëm për rajonin e Azi-Paqësorit, por edhe për zhvillimin ekonomik të gjithë botës. Në fakt, këto ekonomi të APEC-ut kanë krijuar tashmë një varësi të ndërsjellë të lartë me vendet e tjera të botës.
Foto nga VCGKina ka qenë gjithmonë një nxitëse aktive e bashkëpunimit ekonomik dhe tregtar në rajonin e Azi-Paqësorit. Marrëveshja e Partneritetit të Gjithanshëm Ekonomik Rajonal (RCEP), e krijuar nga dhjetë vendet e ASEAN-it, Kina, Japonia, Australia e të tjerë, ka hyrë në vitin e saj të katërt. Në maj të këtij viti, përfunduan plotësisht negociatat për versionin 3.0 të Zonës së Tregtisë së Lirë Kinë-ASEAN, duke e çuar bashkëpunimin ndërmjet tyre përtej nivelit dypalësh dhe duke nxitur paqen, stabilitetin dhe begatinë në Azi.
Vicentiu Gheorghe, president nderi i Shoqatës “ChinaRo”:
Prej dekadash, Kina ka dhënë kontribute të mëdha dhe me vizion për nxitjen e integrimit ekonomik rajonal, lehtësimin e tregtisë dhe investimeve ndërkufitare, si dhe modernizimin e infrastrukturës fizike dhe dixhitale.
Së fundmi, zëdhënësi i Administratës së Përgjithshme të Doganave të Kinës deklaroi se gjatë nëntë muajve të parë të vitit, tregtia e jashtme e Kinës me ekonomitë e tjera të APEC-ut është rritur me 2%, krahasuar me të njëjtën periudhën e vitit të kaluar, duke arritur në 19.41 trilion juanë, ose 57.8% të vlerës së përgjithshme të tregtisë së jashtme të Kinës.
Vojtech Filip, ish-nënkryetari i parë i Dhomës së Përfaqësuesve të Çekisë, Kryetar i Dhomës së Tregtisë Çeko-Kineze:
Kina po nxit një rend të vërtetë shumëpolar, duke u përqendruar realisht në interesat tregtare të rajonit të Azi-Paqësorit, me synimin për të krijuar mundësi të reja tregtare dhe për të mbrojtur një mjedis konkurrues të drejtë. Kina kundërshton proteksionizmin dhe veprimet e njëanshme që përpiqen të prishin rrugët tregtare të vendosura në rajonin e Azi-Paqësorit.
Kina ka qenë gjithmonë e përkushtuar për të qenë e rrënjosur, për të ndërtuar dhe për t’i sjellë dobi rajonit të Azi-Paqësorit. Në vitet e fundit, Kina i është përmbajtur hapjes në nivel të lartë dhe ka promovuar bashkëpunimin praktik brenda APEC-ut në fusha të tilla si tregtia dhe investimet, zhvillimi inovativ dhe transformimi i gjelbër. Në Samitin e Limës të vitit të kaluar, Presidenti kinez Xi Jinping propozoi ndërtimin e një komuniteti të Azi-Paqësorit me një të ardhme të përbashkët, duke treguar rrugën për zhvillimin e ardhshëm të APEC-ut.
Foto nga VCG
Dr. Michael Borchmann, ish-drejtor i Departamentit të Çështjeve Evropiane e Ndërkombëtare të landit gjerman të Hesenit:
Ne po ndërtojmë një komunitet të Azi-Paqësorit me një të ardhme të përbashkët, të karakterizuar nga hapja, lidhshmëria, rritja inovative dhe bashkëpunimi fitimprurës për të dyja palët. Në fund, kjo do t’i sjellë dobi jo vetëm rajonit të APEC,-ut por edhe të gjithë komunitetit ndërkombëtar./CGTN
