Presidenti Xi Jinping paraqiti të premten katër vëzhgime mbi zhvillimin dhe qeverisjen e inteligjencës artificiale (IA), ndërsa mbajti një fjalim në ceremoninë e hapjes së Konferencës Botërore të IA-së dhe Takimit të Nivelit të Lartë 2026 mbi Qeverisjen Globale të IA-së.
Së pari, përmbajtja ndaj parimit të hapjes dhe bashkëpunimit me përfitime të përbashkëta, ndërkohë që nxitet zhvillimi i drejtuar nga inovacioni. Xi theksoi rëndësinë e inkurajimit të burimeve të hapura, hapjes, bashkëpunimit dhe ndarjes për të lehtësuar inovacionin teknologjik, zhvillimin industrial dhe zbatimin e inteligjencës artificiale bazuar në skenarë.
Së dyti, forcimi i ndërgjegjësimit për rrezikun dhe garantimi që IA të jetë e sigurt dhe e kontrollueshme. Duke theksuar nevojën për të siguruar që IA të jetë gjithmonë nën kontrollin njerëzor, Xi u bëri thirrje të gjitha palëve që të kundërshtojnë së bashku tejzgjatjen e konceptit të sigurisë kombëtare në fushën e IA-së ose vendosjen e sigurisë së një vendi mbi atë të të tjerëve.
Së treti, inkurajimi i përfshirjes dhe promovimi i të mësuarit të ndërsjellë midis qytetërimeve. Zhvillimi i inteligjencës artificiale dhe zbatimi i saj, nuk duhet të gërryejë ose minojë diversitetin e qytetërimeve botërore ose veçantinë e kulturave të vendeve të ndryshme, sipas Xi.
Presidenti kinez Xi Jinping me krerët e shteteve, krerët e qeverive, krerët e organizatave ndërkombëtare dhe krerët e delegacioneve nga vende të ndryshme që morën pjesë në Takimin e Niveltit të Lartë mbi Qeverisjen Globale të Inteligjencës Artificiale/Foto nga Xinhua
Së katërti, mbështetja e solidaritetit dhe përmirësimi i qeverisjes globale. Roli i rëndësishëm i Kombeve të Bashkuara duhet të njihet, tha Xi, duke bërë thirrje për harmonizim dhe koordinim të mëtejshëm mbi strategjitë e zhvillimit të inteligjencës artificiale, rregullat e qeverisjes dhe standardet teknike.
“Ne duhet të kryejmë një bashkëpunim të gjerë ndërkombëtar dhe të ndihmojmë vendet e Jugut Global në ndërtimin e kapaciteteve për të kapërcyer hendekun dixhital dhe atë IA, për të promovuar zhvillimin e qëndrueshëm dhe për të parandaluar krijimin e padrejtësive të reja historike në IA”, tha ai./cgtn
