Protesta e tetë kombëtare e thirrur nga opozita e bashkuar ishte e “mbarsur” me një tension të madh lidhur kjo me videopergjimet e publikuara nga “Bild”. Retorika ishte edhe me e ashpër , ndërkohë ndërkombëtaret dolen njëzëri vetem dy ore para protestes duke paralajmeruar organizatoret e protestes se do te mbanin pergjegjesi ne rast te pershkallezimit te protestes duke denuar cdo forme te dhunes . Ndersa me heret policia e shtetit doli ne konference per shtyp duke pretenduar se kishin indicie per perdori te dhunes. Sipas zv.drejtores se Policise se Shtetit, Aida Hajnaj, “Për shkak të informacioneve shqetësuese që Policia disponon, në vazhdën e protestave të shkuara të të njëjtave subjekte politike, u bëjmë thirrje të gjithë pjesëmarrësve të mos tejkalojnë kufijtë e ligjit”.
Në këtë situatë , Presidenti i vendit ,z. Ilir Meta ne fillim te protestes doli me vendimin per anullim dekretit te datës së zgjedhjeve të 30 qershorit.
Vendim ky i mirepritur nga opozita e bashkuar , nga gazetare dhe opinioniste duke e cilesuar kete akt historik nga nje burre shteti i cili parandaloi perplasjen civile .
***
Ish-kreu i KQZ, Kristaq Kume e ka konsideruar një akt kurajoz vendimin e pritur sipas tij të Presidentit Ilir Meta për të anuluar datën e zgjedhjeve të 30 qershorit.
“Në vlerësimin tim është i mirëpritur vendimi i Presidentit, përballë situatës me të cilën po ndeshet shoqëria në përgjithësi. Presidenti i është referuar të drejtës së tij për datën e zgjedhjeve, e më shumë se kaq është referuar, se janë arsye të tjera që kushtëzohen nga situata e krijuar në vendin tonë, si pasojë e keqqeverisjes nga forcat tona politike në përgjithësi. Është shumë e rëndësishme që kështu të pranohet ky veprim kurajoz i Presidentit, për hir të një date të thjeshtë për zgjedhje të radhës.”-përfundoi Kume.
Aleatët e PD-së kanë përshëndetur përmes një deklarate të përbashkët vendimin e Presidentit Ilir Meta, për anulim të dekretit të datës së zgjedhjeve të 30 qershorit. ”Presidenti ka garantuar pluralizmin dhe njëkohesisht ka hedhur hapin e parë për një zgjidhje që garanton zgjedhje të lira dhe të ndershme. Qëndrimi i Ramës është sa antikushtetues dhe pucist. Institucionet zgjedhore nuk veprojnë me vendim qeverie por me dekret Presidneti”,-thuhet në deklaratë.
Edhe nga opozita e re ka ardhur reagim pozotv lidhur me vendimin e presidentit Meta. Deputeti Lefter Maliqi, e cilëson si veprim që do të hyjë në histori, ajo e Presidentit Ilir Meta për shfuqizimin e dekretit për zgjedhjet e 30 qershorit. Përmes një postimi në facebook, ai thotë se Kreu i Shtetit shmangu kështu një konflikt. Nga ana tjetër, Maliqi ”këshilloi” kryeministrin Rama që të qetësohet, kurse Lulzim Bashën që të ul tonet.
Deklarata e plotë nga Aleatet e Bashes
Presidenti Republikës me vendimin e sotëm për cdekretimin e zgjedhjeve ka shmangur një konflikt që do e çonte Shqipërinë në drejtime të gabuara. Si GQD i kemi kërkuar Presidentit të Republikës pikërisht këtë që bëri sot, si rruga e vetme kushtetuese. Ai është autoriteti i vetëm që vlerëson kushtetutshmërinë e vendimin të tij në mungesës të Gjykatës Kushtetuese, duke cdekretuar dekretin e tij.
Presidenti ka garantuar pluralizmin dhe njëkohesisht ka hedhur hapin e parë për një zgjidhje që garanton zgjedhje të lira dhe të ndershme. Qëndrimi i Ramës është sa antikushtetues dhe pucist. Institucionet zgjedhore nuk veprojnë me vendim qeverie por me dekret Presidenti. Për sa kohë Presidenti ka cdekretuar zgjedhjet KQZ duhet të ndalë funksionimin e Komisioneve zonale dhe procesit zgjedhor. Çdo veprim tjetër është i paligjshëm dhe antikushtetues.
I vetmi Institucion që mund të interpretojë vendimin e Presidentit është Gjykata Kushtetuese që nuk ekziston prej dy vjetësh e shkatërruar qëllimisht prej Ramës. Është koha për zgjidhje politike. Qeveri tranzitore dhe zgjedhje të lira dhe të ndershme.
Postimi i plotë nga deputeti lefter Maliqi
Veprim dinjitoz prej pushtetari, largpamësi, mbi palët, në shërbim të interesave të vendit dhe të ardhmes Europiane. Vendimi i Presidentit shmangu përplasjen e mundshme civile dhe kthimin e vendit në diktaturë, pasi pasojat do ishin shumë të rënda më 30 Qershor deri dhe në viktima.
Demokracia do ishte në rrezik, vota e lirë në rrezik dhe e ardhmja Europiane në rrezik. Presidenti uli tensionet tregoj veten që eshtë mbi palët, tregoj veten që eshte student i Dhjetorit 90 me vizion Perëndimor.
Veprimi i tij do ngelet në histori, pasi shmangu gjakderdhjen që mund të ndodhte më 30 Qershor dhe shmangu instalimin e Diktaturës. Rama të ruaj qetësinë ti thërras arsyes. Basha të ul tonet dhe të shkoj drejt dialogut dhe zgjedhjeve të parakohshme me standarte Europiane dhe ndryshim sistemi elektoral. Sot fitoj Demokracia, fitoj Shqiperia, fitoj e ardhmja Europiane.
© Argumentum
