Presidenti i Serbisë Aleksandër Vuçiç në fjalimin e sotëm drejtuar popullit tha se shteti do të bëjë gjithçka për të siguruar tubimin e 15 marsit në Beograd, por shtoi se e gjithë përgjegjësia do të bjerë mbi organizatorët e tubimit.
Vuçiçi në fillim foli mbi përcaktimin e përgjegjësisë për rënien e tarracës në Stacionin hekurudhor në Novi Sad dhe protestat që nisën pas kësaj tragjedie.
“U jemi përgjigjur të katër kërkesave të studentëve me vëmendjen të plotë dhe të sinqertë, me përkushtim dhe kujdes”, tha Vuçiçi dhe shtoi se e ka ditur se kjo nuk ka për të qënë e mjaftueshme, sepse, sikurse tha, qëllimi nuk ishte përmbushja e kërkesave për realizimi i një revolucioni me ngjyrë në Serbi.
Ai tha pastaj se ata që protesotjnë janë nisur nga një “sjellje antiligjore”, duke penguar lirinë e lëvizjes së qytetarëve në “afro 150 komuna” dhe pastaj, sikurse tha, kanë shkaktuar “krizë pengjesh” duke bllokuar ndërtesën e radio televizionit të Serbisë.
Vuçiçi tha se shteti fillimi u ka bërë thirrje atyre që protestojnë për dialog, dhe më pas ka ofruar zgjedhje të reja dhe referendum, gjë të cilën ata, sikurse tha, e refuzuan dhe “kërkuan hyrjen në qeveri pa vullnetin e qytetarëve”.
“Nuk pranoj metoda jodemokratike, nuk pranoj plenume, tubime dhe gjithçka tjetër, as Dimitri Ljotiçin (bashkëpuntor i nazistëve gjatë LDB. Shën. i përkth.) as gjyqe pa gjyqe sikurse kanë qënë organizuar plenumet pas vitit 1945”, sqaroi Vuçiçi.
Duke folur për tubimin e 15 marsit Vuçiçi tha se ai është ilegal dhe se nuk janë lajmëruar organet shtetërore.
“Ne do të ndihmojmë në çdo mënyrë në sigurimin e tubimit të tyre”, tha Vuçiçi dhe nënvizoi se gjithë përgjegjësinë do t’a mbajnë organizatorët e tubimit.
Ai tha se të gjithë personat të cilët “kanë planifikuar sulme dhe marrjen e institucioneve” do të arrestohen. “Të gjithë individët që gjenden në territorin e Republikës së Serbisë janë arrestuar”- tha Vuçiçi.
Vuçiçi edhe një herë u bëri thirrje qytetarëve për paqe dhe iu bëri thirrje prindërve që, “meqënëse nuk munden” t’i ndalojnë fëmijët të dalin në rrugë, atëherë shteti do të bëjë gjithçka që të sigurojë paqen.
Në përgjigje të pyetjes së gazetarëve mbi mnesazhet nga ShBA dhe BE drejtuar Serbisë Vuçiçi tha se Serbia deri tani u ka mbajtur leksione demokracie shteteve të tjera.
“Ata nuk thanë asgjë në veçanti, por supozoj se duhet të sigurojmë, edhe nëse diçka është thirrur në mënyrë të paligjshme,” tha ai.
Ai gjithashtu theksoi se shteti “i njeh shumë mirë” studentët dhe qytetarët në park, por se ata nuk njohin askënd në plenum.
Vuçiq gjithashtu theksoi se do të ketë një numër të madh të kallëzimeve penale për aktivitete të paligjshme në katër muajt e mëparshëm për shumë persona dhe shtoi se ai ka “frikë se si do t’i rezistojë sistemit tonë juridik”.
“Siç e shihni, ne nuk kemi vendosur gjendje të jashtëzakonshme dhe as nuk planifikojmë, përveç nëse ka një sulm masiv ndaj forcave të sigurisë, të cilin e konsiderojmë të pamundur sepse mendojmë se kemi vepruar me sukses në mënyrë parandaluese dhe kemi parandaluar sulme masive”, tha Vuçiç./Danas
Përktheu për Argumentum Xhelal FEJZA
