Parlamenti i së Enjtës u kthye gati si një sallë teatri falë fjalimit plot pathos të Kryeministrit Rama pikërisht për Teatrin Kombëtar. AI “gajasi” dhe argëtoi spektatorët -deputet , shumica e të cilëve na “gajasin” çdo ditë me perlat që nxjerrin nga goja.
Kryeministri Rama mori në dispozicion disa minuta kohë nga deputetet e tij në mënyrë që të interpertoje rolin që kishte veshur sot .
Megjithatë përveç rolit të tij të sotem, po ashtu Rama i cilësoi akuzat e opozitës dhe Presidentit për shembjen e teatrit kombëtar si aktrim që kanë qëllim vetëm kauzën për të rrëzuar qeverinë. Edi Rama tha se Ilir Meta nuk është gjë tjetër veç se një komedian, ish-kryeministrin Berisha e cilësoi si dramaturg dhe Lulzim Bashën aktor që është huazuar në politikë. Ai shtoi se opozita që sot proteston dje ka qenë në pushtet dhe nuk ka bërë asgjë për kulturën, madje teatrin e lanë jashtë listës së mbrojtjes.
” Këtu kemi qenë të gjithë kur qeveria e atyre që sot kanë rënë si faja nga fiku dhe tani është këputur dhe llastiku ishte e angazhuar për ta ndërtuar Teatrin Kombëtar tek Piramida. Dhe kur unë kryetar bashkie e kam pritur në zyrë, një dërgatë të një investitori të njohur shqiptar miqësor deri në vëllazëri të kryeministrit të kohës, por unë nuk e kam zakon të përdor emra biznesmenësh se nuk jam rrugac, sepse vetëm rrugaçët e përdorin foltoren e mikrofonin e fjalën që e kanë marrë si porosi nga populli për të sulmuar njerëz me emër e mbiemër që janë në punën e tyre si biznesmen.
Ky investitor së bashku me një grup të njohur gjerman kanë ardhur në zyrë e më kanë propozuar projektin “piazza shoping” projekti ishte një shesh me bare e restorante e dyqane. Aty ku sot është pishina, e cila në mes të teatrit thjesht ka shërbyer për bretkosat që për një gjatë dhe në të ndryshme ishin të vetmet spektatorë dhe për të larë makinat e aktorëve me ujë çezme. Aty kthehej në shesh..
I thashë shumë i bukur projekti por këtu do të ndërtohet teatri i ri kombëtar. Teatri tek piramida e dyshoj shumë sepse teatri nuk është plateja por skena. Teatri që duket është shpesh gjysma e teatrit që nuk duket dhe piramida nuk e ka dhe kjo nuk bëhet.
E bukura është që nuk u bë ajo, por nuk u bë as teatri tek piramida për të cilin nuk u harxhuan miliona imagjinare eurosh, si miliona imagjinare që Lady Makbeth sheh në filxhanin e saj, dikur i shihte për veten, tani i sheh të shumëfishuara nga sekëlldija se të tjerët janë si ajo dhe bëjnë si ajo dhe po ia marrin të gjitha dhe kur ajo të vijë bashkë me Hamletin në pushtetin e popullit nuk do të ketë mbetur më asgjë”, tha Rama.
Me tej ironizoi presidentin Ilir Meta, Kryemadhin dhe vellezerit Budina.
Edi Rama: Them unë që nuk do teatrin Ilir Meta? Si mund ta them unë. Ai është gati të vendosë ballin e tij mbi Kushtetutën e të bëhet njish me shqiponjën e të shfaqet duke u parashituar me Cim Pekën si cantë në krah për të na u turrur dhe ngrënë mëlçinë të gjithëve për teatrin, Shekspirin e Volterin. Patjetër për Volterin, po Volteri është për Monikën. Lëre pastaj Budinë e madhe Budinë e vogël që pasi mbarojnë fjalimin turren të përqafojnë artistin Lulin. Janë të pavarur, qytetaria e ngritur kundër diktaturës dhe kanë emocione sepse po I sheh Luli.
U turr turma e përgatitur prej shumë kohësh që e kishte hipotekuar perj dy vitesh e gjysmë kështjellën nga ku do të organizonte sulmin final vendimtar mbi dhe mbi rregjimin
Cdo njeri ka një dobësi dhe dobësitë njerëzore dalin me shpirtin. E kur dobësia është mbi të gjitha vjen gjumi dhe kapesh në gjumë teksa je duke ëndërruar se tani më je duke triumfuar dhe hap sytë se kalaja ka rënë ka dhimbje e dëshpërim. Dhe është një dëshpërim i pangushëllueshëm sepse ngushëllohet dëshpërimi i atij dhe atyre që humbën një betejë kur kanë përcaktuar rrugën dhe objektin por nuk ngushëllohet dëshpërimi i atyre që kanë zgjedhur një betejë me rrugën e gabuar dhe objektin e gabuar se nuk po shtoj më tej kundërshtarët e gabuar. Habitem si nuk na kanë njohur akoma dhe nuk na njohim akoma. Habitem si nuk doni të kuptoni që ne themi atë që bëjmë dhe bëjmë atë që themi.
Dikush më çoi mesazh e më tha: Si nuk u lodhe 21 vjet e nuk iu ndave derisa e prishe. Përgjigjja është shumë e thjeshtë: Unë nuk kam ardhur për të qëndruar në politikë për kap ca të kapësh por për të bërë sukses dhe luftuar për bindjet e mia. Nuk jam shumë i zoti për konsensus dhe nuk më vjen zor për këtë sepse unë jam I politikës së bindjeve dhe i luftës për bindjet.
Megjithatë përpos faktit që Teatri Kombëtar u shemb, Kryeministri Rama premtoi rindërtimin e plotë të tij sipas projektit që nuk u zbatua kurrë për një program akoma më të madh ,ku protagonist do të jenë femijët dhe mësuesit por edhe për nostalgjiket.
Kam një lajm të mirë por nuk do ua jap të plotë. Meqë godina nuk u ndërtua kurrë dhe meqë ka jo këta, se këta as duan ta dinë për godinën, por ka njerëz që më kanë bërë të reflektoj në këtë situatë për një mangësi për një mungesë boshllëk, apo lëndim.
“Godina e Teatrit kombëtar nuk është fëmija i ligjshëm i autorit italian, por bastard i një marrëdhënie mes autorit dhe autores, që ishte lufta fashiste që duhej ushqyer me para dhe grurin e mbjellë në parqet e Tiranës. Ishte vepër e mbretërisë, po, u nis, u ndërpre nga lufta dhe vepra për këtë arsye kurrë nuk u konsiderua as nga regjimi i vjetër as nga të gjitha ekspertizat si e denjë për t’u futur në listën e monumenteve.
Ne do ta marrim projektin origjinal motamo dhe do ua rikthejmë, jo aleancës për politikën me teatrin, jo artistëve dhe artistëve politikanë atje, por do ua rikthejmë fëmijëve, si pjesë e një programi më të madh, dhe përputhen gjërat dhe do ta kemi mes nesh, jo atye dhe jo teatër, për më shumë do ta shikoni dhe atëherë do të shikojmë pelegrinazhin te ajo godina.
Do të shkojnë vetëm fëmijët, mësuesit e tyre për t’u mësuar, vizitimin, aktrimin, muzikën dhe për t’u treguar se cfarë ka qenë Tirana më parë. Mbase edhe ndonjë nostalgjik apo ndonjëri prej tyre . Edhe këta kur të marrin vesh se është diku tjetër do të mërziten dhe do të thonë mjaft tani. Ia vlen dhe do ta bëjmë. E vendosim vetë dhe pse? Ne e vendosim dhe jemi zgjedhur që të vendosim, ajo ata që ikën..” tha ai.
© Argumentum
