Sekretari i Përgjithshëm i NATO-s, Jens Stoltenberg tha se mirëpret përparimin në dialogun mes Prishtinës dhe Beogradit të ndërmjetësuar nga Bashkimi Evropian “si mënyra e vetme për të arritur një zgjidhje politike të qëndrueshme”.
Stoltenberg, përmes një postimi në rrjetin social Twitter tha se ka biseduar me kryeministrin e Kosovës, Avdullah Hoti për çështjen e dialogut dhe rëndësinë e misionit të NATO-s, KFOR, për ruajtjen e sigurisë dhe luftimin e pandemisë së COVID-19 në Kosovë.
Ndërsa, përmes një komunikate për media nga zyra e kryeministrit të Kosovës, thuhet se Hoti e ka vlerësuar punën e Ekipit Këshillues dhe Ndërlidhës të NATO-s (NALT), i cili që po jep ndihmesë të rëndësishme për avancimin e institucioneve të sigurisë së Kosovës.
“Sekretari Stoltenberg e siguroi kryeministrin Hoti se NATO-ja do të vazhdojë të bashkëpunojë ngushtë me institucionet e Kosovës për të siguruar një mjedis paqësor dhe një të ardhme të sigurt për të gjithë qytetarët e saj dhe të rajonit, si dhe mbështetjen për procesin e dialogut me Serbinë si mënyrë e vetme për të siguruar zgjidhje politike afatgjate”, thuhet në njoftimin nga zyra e kryeministrit Hoti.
<blockquote class=”twitter-tweet”><p lang=”en” dir=”ltr”>Spoke with <a href=”https://twitter.com/Avdullah?ref_src=twsrc%5Etfw”>@Avdullah</a> about the importance of <a href=”https://twitter.com/NATO_KFOR?ref_src=twsrc%5Etfw”>@NATO_KFOR</a> in preserving security, and fighting COVID-19 in Kosovo. I welcome progress in the EU-sponsored Belgrade-Pristina dialogue as the only way to achieve a lasting political solution.</p>— Jens Stoltenberg (@jensstoltenberg) <a href=”https://twitter.com/jensstoltenberg/status/1295714732612169739?ref_src=twsrc%5Etfw”>August 18, 2020</a></blockquote> <script async src=”https://platform.twitter.com/widgets.js” charset=”utf-8″></script>
Dialogu mes Kosovës dhe Serbisë ka rinisur më 16 korrik në Bruksel. Ky proces, që ndërmjetësohet nga pala evropiane, ka nisur më 2011. Ai ishte bllokuar nga nëntori i vitit 2018, pasi autoritetet e Kosovës patën vënë taksë në mallrat serbe.