Pasditen e 16 marsit, Presidenti i Kinës Xi Jinping u takua me kryetarin ekzekutiv të Rajonit të Posaçëm Administrativ të Hong Kongut, John Lee, i cili gjendet në Pekin për të raportuar mbi situatën aktuale në Hong Kong dhe punën e qeverisë së të Rajonit të Posaçëm Administrativ së Hong Kong-ut.
Xi Jinping u shpreh se gjatë vitit të kaluar, nën udhëheqjen e kryetarit ekzekutiv John Lee, qeveria e Rajonit të Posaçëm Administrativ të Hong Kongut ka demonstruar guxim dhe iniciativë, duke mbrojtur me vendosmëri sovranitetin kombëtar, sigurinë dhe interesat e zhvillimit. Qeveria e Rajonit të Posaçëm Administrativ të Hong Kongut mbajti me sukses zgjedhjet e teta të Këshillit Legjislativ, arriti rritje të qëndrueshme ekonomike dhe rajoni ka bërë një hap të ri drejt prosperitetit. Qeveria qendrore e afirmon plotësisht punën e Kryetarit Ekzekutiv John Lee dhe qeverisë së Rajonit të Posaçëm Administrativ të Hong Kongut.
Xi Jinping theksoi se Sesioni i Katërt Plenar i Komitetit të 20-të Qendror të PKK-së, hartoi një plan strategjik për zhvillimin ekonomik dhe shoqëror të vendit gjatë periudhës së Planit të 15-të Pesëvjeçar, duke theksuar nevojën për të zbatuar pa lëkundje parimet “një vend, dy sisteme”, “populli i Hong Kongut qeveris Hong Kongun” dhe një shkallë të lartë autonomie për të promovuar prosperitetin dhe stabilitetin afatgjatë të rajonit. Qeveria e Rajonit të Posaçëm Administrativ të Hong Kongut duhet të përputhet në mënyrë proaktive me Planin e 15-të Pesëvjeçar kombëtar, të mbështesë dhe përmirësojë zhvillimin e udhëhequr nga ekzekutivi, të promovojë fuqishëm zhvillimin ekonomik me cilësi të lartë, të marrë pjesë thellësisht në ndërtimin e Zonës së Madhe të Gjirit Guangdong-Hong Kong-Makao, të integrohet më mirë në zhvillimin e përgjithshëm të vendit dhe t’i shërbejë atij./CGTN
