Mbrëmjen e së hënës, presidenti kinez Xi Jinping zhvilloi bisedime telefonike me presidentin e ShBA-së Donald Trump. Zëdhënësi i Zyrës së Çështjeve të Tajvanit të Këshillit të Shtetit të Kinës Peng Qingen deklaroi në një konferencë të rregullt për shtypin të mërkurën që ky vit shënon 80-vjetorin e fitores së Luftës së Rezistencës së Popullit Kinez kundër Agresionit Japonez dhe Luftës Antifashiste Botërore, si edhe 80-vjetorin e rikthimit të Tajvanit Kinës. Presidenti Xi sqaroi qëndrimin parimor të Kinës mbi çështjen e Tajvanit gjatë bisedimeve telefonike me homologun e vet amerikan, duke theksuar se të dy vendet duhet të mbrojnë së bashku arritjet e fitores së Luftës së Dytë Botërore. Fjalimi i rëndësishëm të Presidentit Xi Jinping është me rëndësi të madhe udhëzuese për punën tonë lidhur me Tajvanin, theksoi Peng Qingen.
“Ne do t’i bashkojmë bashkatdhetarët në të dy anët e Ngushticës së Tajvanit për të kujtuar së bashku historinë, për të mbrojtur arritjet, për të çmuar paqen dhe për të krijuar të ardhmen. Ne do t’i kundërshtojmë me vendosmëri aktivitetet separatiste të ‘pavarësisë së Tajvanit’, do të punojmë së bashku për të nxitur zhvillimin paqësor të marrëdhënieve ndërmjet dy brigjeve, për të ruajtur paqen dhe qëndrueshmërinë në Ngushticën e Tajvanit, për të mbrojtur familjen e përbashkët të kombit kinez dhe për të krijuar së bashku lumturinë afatgjatë për kombin kinez,” tha Peng./CGTN
