Prof. Dr. Petraq Milo
Ekspozita Kinë-Vendet e Evropës Qendrore dhe Lindore dhe Panairi Ndërkombëtar i Mallrave të Konsumatorit është ekspozita e vetme institucionale në nivel kombëtar kushtuar bashkëpunimit Kinë-EQL. Me temën “Vizione të reja për të ardhmen”, ekspozita e 4-të Kinë-EQL do të zhvillohet nga 22 deri më 25 maj në Ningbo, Provinca Zhejiang. Në Ekspozitën e këtij viti, Republika e Sllovenisë dhe Republika Sllovake do të jenë vendet e ftuara të nderit. Pritet të marrin pjesë zyrtarë të lartë dhe diplomatë nga vendet e Evropës Qendrore dhe Lindore, si dhe përfaqësues të shoqatave ndërkombëtare të biznesit, udhëheqës biznesi dhe delegatë nga shumë provinca kineze. Ekspozita Kinë -EQL i ka rrënjët në Samitin e 2-të të Kinës dhe vendeve të Evropës Qendrore dhe Lindore, që u mbajt në Bukuresht në Nëntor të vitit 2013. Në Samit u miratuan udhëzimet për një bashkëpunim midis Kinës dhe vendeve të EQL si dhe u propozua organizimi i një ekspozite të përbashkët të produkteve të specializuara.
Foto nga VCG
Panairi inaugurues i produkteve të vendeve të EQL u mbajt në Ningbo, Zhejiang, nga 8 deri më 11 Qershor 2014, i ndjekur nga ekspozita e parë e investimeve dhe tregtisë Kinë-EQL nga 8 deri më 11 Qershor 2015, gjithashtu mbajtur në Ningbo. Nga viti 2015 deri në vitin 2018, Ningbo ka pritur me sukses katër edicione të njëpasnjëshme të ekspozitës së investimeve dhe tregtisë Kinë-EQL. Më 11 Mars 2019, me miratimin e Këshillit të Shtetit, ekspozita u përditësua dhe u rinovua zyrtarisht në një ekspozitë institucionale të nivelit kombëtar dhe u riemërua Ekspozita Kinë-EQL & Panairi Ndërkombëtar i Mallrave të Konsumit. Nga viti 2019 deri në vitin 2023, ekspozita është mbajtur me sukses tre herë në Ningbo, duke bashkuar më shumë se 3,000 ndërmarrje të vendeve të EQL duke prezantuar në mbi 10,000 produkte të këtyre vendeve. Ekspozita ka luajtur një rol të rëndësishëm në rritjen e dukshmërisë së produkteve të vendeve të EQL në Kinë, zgjerimin e eksporteve të këtyre vendeve në Kinë dhe nxitjen e sinergjisë për bashkëpunim më të gjerë.
Foto nga VCG
Bashkëpunimi midis Kinës dhe vendeve të Evropës Qendrore dhe Lindore është një mekanizëm bashkëpunimi ndër rajonal, i cili u iniciua dhe u promovua nga Kina për t’iu përgjigjur një situate ndërkombëtare në zhvillim dhe njëkohësisht për të marrë parasysh nevojat e vendeve të Evropës Qendrore dhe Lindore. Bashkëpunimi ndërmjet Kinës dhe vendeve të EQL është zgjeruar duke përfshirë jo vetëm organizimin e ekspozitave, por dhe realizimin e projekteve të përbashkëta. Në vitin 2018, Ningbo lançoi planin e projektit të madh special të “Inovacionit të Shkencës dhe Teknologjisë 2025”. Me qëllim rritjen e avantazhit konkurrues të Ningbosë në inovacionin shkencor dhe teknologjik, duke nxitur zhvillimin me cilësi të lartë, ky plan u përqendrua në industritë kryesore si automjetet e energjisë së re, etj. Mbështetur nga kjo iniciativë, parku industrial Kinë-EQL u hap zyrtarisht më 10 Qershor të vitit 2020. Parku ndërkombëtar i bashkëpunimit industrial Kinë-EQL ka ndërtuar një sërë platformash shkencore dhe inovative si baza e inovacionit të Evropës Qendrore dhe Lindore në Budapest dhe baza e inovacionit të Evropës Qendrore dhe Lindore Ningbo; forcimin e ndërlidhjes me Organizatën Evropiane të Teknologjisë dhe parkun Hungarez industrial të shkencës dhe teknologjisë kineze. Gjithashtu, qendra e kërkimit për bashkëpunimin dhe inovacionin e Kinës në vendet EQL, një platformë në nivel kombëtar u propozua nga Presidenti Xi Jinping në Samitin Kinë-Vendet EQL, dhe u inagurua në Ningbo në vitin 2022. Deri në Gusht 2024, numri i projekteve të investimeve dypalëshe midis Ningbosë dhe vendeve EQL ka arritur në 196. Investimet e Ningbosë në rajon synojnë kryesisht industritë e saj të favorshme, duke përfshirë pjesët e automobilave dhe pajisjet e nivelit të lartë.
Foto nga VCG
Ekspozita e 4-të Kinë-EQL që do të mbahet në Ningbo, do të përfshijë një ceremoni hapjeje, seanca të lidhjes ndërmjet bizneseve, aktivitete të promovimit të investimeve, shkëmbime kulturore dhe ngjarje të njëkohshme, së bashku me një ekspozitë tregtare. Si një dritare për dialogun inovativ midis Kinës dhe vendeve të Evropës Qendrore dhe Lindore, ekspozita e katërt është planifikuar të shërbejë jo vetëm si një vitrinë për teknologjitë më të përparuara, por edhe si një dëshmi e arritjeve të bashkëpunimit Kinë-Vendet EQL. Ekspozita do të fokusohet tek kufijtë teknologjikë dhe inovacioni industrial, duke synuar të krijojë një model të ri për zhvillimin bashkëpunues ndër rajonal. Ekspozita e 4-të Kinë-EQL dallohet nga tre karakteristika kryesore. Së pari, është tërheqja e fortë e vendeve të Evropës Qendrore dhe Lindore. Zona e ekspozitës në EQL do të shtrihet në 20,000 metra katrorë me mbi 400 ekspozues, duke vendosur rekorde të reja me më shumë se 8,000 produkte të specializuara nga këto vende. Së dyti, programe të mirëorganizuara, ku do të mundësohen një sërë lidhjesh bilaterale ndërmjet bizneseve dhe shkëmbime qeveritare të organizuara nën formatin “11+4+N”, ku “11” i referohet 11 aktiviteteve kryesore, duke përfshirë ceremoninë e hapjes, sesionin e prokurimit të produkteve të vendeve të EQL dhe sesionet e promovimit të investimeve, dhe “4” përfaqëson ngjarje si takimin e 9-të të këshillit të biznesit Kinë-EQL, dialogun e 7-të Kinë-EQL mbi doganat, inspektimin dhe bashkëpunimin e karantinës, forumin e Kryetarëve të Bashkive Kinë-EQL dhe bashkepunimin ndërkombëtar te mjeteve lundruese me vela Kinë-EQL, ndërsa “N” i referohet mbi 50 seancave të takimeve specifike për industrinë dhe vendin. Dhe së treti, është pjesëmarrja e gjerë ndërkombëtare, ku përveç ekspozuesve nga 14 vendet e EQL-së, ekspozita e këtij viti do të prezantojë produkte nga nëntë vende të tjera, duke përfshirë Mbretërinë e Bashkuar, Francën, Gjermaninë, Italinë dhe Spanjën, si dhe Austria që i bashkohet ngjarjes për herë të dytë. Organizatat ndërkombëtare si Banka Botërore, shoqatat e biznesit si Dhoma e Tregtisë Kinë-BE dhe kompani të shquara globale duke përfshirë Sanofi, Novartis dhe Morgan Stanley, do të marrin pjesë gjithashtu, duke rritur ndjeshëm profilin ndërkombëtar të ekspozitës.
Parku ndërkombëtar i bashkëpunimit industrial Kinë-EQL/Foto nga gazeta “People’s Daily”
Me kalimin e viteve, Ningbo ka udhëhequr bashkëpunimin praktik me vendet e EQL-së nën parimet e hapjes, bashkëpunimit dhe përfitimit të ndërsjellë. Që nga fillimi i bashkëpunimit në 2018, ritmi vjetor i rritjes së tregtisë midis Ningbo dhe vendeve të EQL-së ka qenë mesatarisht 18,3% në secilin vit, duke arritur në 56,13 miliardë juanë në 2024, tre herë më shumë se shuma e asaj në 2017. Në tremujorin e parë të 2025, volumi total i importeve dhe eksporteve të Ningbo-s me vendet e EQL u rrit 15.3 miliardë, me një rritje në 19.8% nga viti në vit. Bashkëpunimi është zgjeruar dhe aktualisht Ningbo ka 19 qytete simotra në vendet e EQL, duke thelluar bashkëpunimin në arsim, teknologji, kulturë, turizëm dhe më gjerë. Me përmirësimin e pavijonit të përhershëm të produkteve të CEEC dhe parkut ndërkombëtar të bashkëpunimit industrial Kinë-EQL, ekspozita është bërë një platformë kryesore për rritjen e bashkëpunimit të biznesit me vendet e EQL-së dhe ka nxitur më tej zhvillimin e gjashtë zonave sinergjike të nivelit provincial. Si një qendër shkencore-teknologjike në jug të deltës së Lumit Jance, Ningbo do të prezantojë arritjet më të fundit teknologjike. Ekspozita do të bëjë së bashku teknologjitë më të përparuara globale. Kompanitë kryesore kineze si Shanghai Zhiyuan Robotics dhe Beijing Xingdong Era, së bashku me kompani me seli në Zhejiang si “Unitree”, “DeepSeek” dhe “Lingban Technology”, do të prezantojnë robotë humanoidë, robotë katërkëmbësh dhe teknologji ndërveprimi AR. Në tetë vitet ky mekanizëm bashkëpunimi ka bërë përparim pozitiv dhe ka grumbulluar përvojë të pasur, por gjithashtu përballet me shumë sfida të reja mes ndryshimeve të rëndësishme. Prandaj, është thelbësore për zhvillimin e qëndrueshëm të bashkëpunimit të Kinës-EQL të rishikohen arritjet dhe përvoja në praktikë, dhe të vlerësohen në mënyrë gjithëpërfshirëse mundësitë dhe sfidat në to./CGTN-Argumentum.al
