Përfaqësuesit e mediave në takim, patën shkëmbime dhe diskutime të thella mbi tema të tilla si transformimi i mediave tradicionale, besueshmëria e medias, etika gazetareske, normat e mediave, përgjegjësia sociale, konkurrenca e talenteve etj. në kontekstin e epokës së inteligjencës artificiale. Përfaqësuesit e medias kineze ndanë përvojat e tyre mbi zbatimin inovativ të inteligjencës artificiale në punët e gazetarëve.
Pjesëmarrësit në takim thanë se teknologjia e inteligjencës artificiale ka sjellë mundësi të reja për transformimin dhe zhvillimin e mediave informative. Ndërkohë që ka fuqizuar industrinë e medias, ajo ka shkaktuar rreziqe të ndryshme dhe ka sjellë sfida qeverisjeje.
Lidhur me mundësitë dhe rreziqet që sjell inteligjenca artificiale për industrinë e medias, pjesëmarrësit në takim shprehën besimin se duhet forcuar komunikimi dhe shkëmbimi, duhet t’i përmbahen etikës gazetareske, të forcohet dialogu dhe bashkëpunimi, të shfrytëzohet mundësia e teknologjisë së inteligjencës artificiale për të promovuar transformimin e medias, të përmbushen përgjegjësitë e medias dhe të mblidhen forca të fuqishme mediatike për të ndërtuar një botë më të mirë.
Pjesëmarrësit paraqitën gjithashtu sugjerime për bashkëpunime konstruktive mbi ndërtimin e “Shtëpisë Ndërkombëtare të Gazetarëve” dhe shprehën dëshirën për të promovuar së bashku industrinë e medias në mbështetje të së vërtetës për ndryshim dhe për të përqafuar të ardhmen përmes inovacionit, duke forcuar shkëmbimet ndërkombëtare dhe bashkëpunimin teknik.
Tryeza e Rrumbullakët Mediatike midis Kinës dhe vendeve të Evropës Qendrore dhe Lindore është një ngjarje e rëndësishme për shkëmbimet mediatike në kuadër të “Bashkëpunimit midis Kinës dhe vendeve të Evropës Qendrore dhe Lindore”.
Para dhe pas takimit, Sekretariati i Bashkëpunimit Kinë- Vendet e Evropës Qendrore dhe Lindore dhe Shoqata e Gazetarëve e Kinës organizuan së bashku vizitën e një delegacioni gazetarësh nga vendet e Evropës Qendrore dhe Lindore në Kinë. Delegacioni vizitoi Pekinin, Xi’anin, Ningbon, Shaoxingun, Hangzhoun etj. për të zhvilluar intervista./CGTN-Argumentum.al
